စိတ်မကောင်းလိုက်တာဗျာ။ ကြည့်ပါဦး။ မနေ့က (၁၃-၅-၂၀၁၀)ထုတ် “ကြေးမုံ နဲ့ မြန်မာ့အလင်း” သတင်းစာတွေမှာ နာရေးကြော်ငြာတွေ များလိုက်တာဗျာ။ ခါတိုင်း စာမျက်နှာ (၁)မျက်နှာလောက်ဘဲ ပုံမှန် ရှိနေရာက မနေ့က စာမျက်နှာ (၄)မျက်နှာ အပြည့် နာရေးကြော်ငြာ တွေဗျာ။ အသက် (၇၀) (၈၀)တွေ ကတော့ အများဆုံးပေါ့။ ပိုပြီး စိတ်မကောင်းတာက ကျွန်တော့် အတွက် “ဆရာလို တမျိုး၊ ဦးလေးလို တဖုံ” ခင်မင်လေးစားရတဲ့ စာရေးဆရာ ဆရာဝန်ကြီး “ဒေါက်တာ ကမ္ဘောဇခင်လှိုင်” ပါ ကွယ်လွန် သွားရ ရှာပါပြီ။
တနေ့ထက် တနေ့ ပြင်းထန်လာတဲ့ နွေရာသီရဲ့ အပူဒဏ်အောက်မှာ သက်ကြီးရွယ်အိုတွေ “တဖြုတ်ဖြုတ်” ကွယ်လွန်ကုန်ကြ ရှာပါ ပေါ့လား။ တလောကလည်း ကျန်းမာရေးဆောင်းပါးတွေကို အမြဲရေး, ရေးနေတဲ့ စာရေးဆရာကြီး “သာဂဒိုး” လည်း ကွယ်လွန် သွားခဲ့ပါတယ်။ ဒီ “အပူဒဏ်” ကြောင့်ပါဘဲ။
အသက်ကြီးတဲ့ လူကြီးတွေ ၊ နာတာရှည်ရောဂါများ ခံစားနေရသူတွေ အပူဒဏ် မခံနိုင်ဘဲ ကွယ်လွန်တာကတော့ ထားပါတော့။ ဘာရောဂါမှလည်း မရှိ၊ အရွယ်ကလည်း သန်စွမ်းကျန်းမာနေဆဲ “လူငယ်တွေ” ပါ တော်တော်များများ ဆုံးပါးနေကြတဲ့ ကိစ္စလေးတော့ သတိပေးလိုတာကြောင့် ဒီဆောင်းပါးလေးကို ရေးလိုက်ပါတယ်။
