(ရေတစ်အိုး ၊ မိုးတစ်ပေါက်)

တနင်္ဂနွေနေ့ မနက်စောစောကြီးမှာဘဲ အွန်လိုင်းပေါ်က မိတ်ဆွေတစ်ဦး ဖြစ်တဲ့ “မနီနီဇော်” ဆီက မေးလ်တစောင် ဝင်လာပါတယ်။ စာထဲမှာ –

ဘင်္ဂလားပင်လယ်အော်တွင် လေဖိအားနည်းရပ်ဝန်း စတင်ဖြစ်ပေါ် (အောက်မြန်မာ နိုင်ငံ တွင် နောက် နှစ်ရက်မှ သုံးရက် အတွင်း မိုးရွာသွန်းမည်) . . တဲ့။

တကယ့် သတင်းကောင်းပါဘဲဗျာ။ ဒါပေမယ့် ဒီသတင်း တကယ်မှန်။ မမှန်ဆိုတာကို “ကိုယ်တတ်ထားတဲ့ ဗေဒင်နည်း လေးတွေ” နဲ့ စစ်ဆေး ကြည့်ရသေးတယ်။ သတင်းပေးသူကို မယုံလို့ မဟုတ်ပါ။ သေချာအောင်လို့ပါ။ ချက်ချင်း ကောက်တွက်လိုက်တယ်ဆိုရင်ဘဲ ဒီသတင်းအတိုင်း အမှန်ဖြစ်လိမ့်မယ် ဆိုတာတွေ့ရသဗျ။ ဝမ်းသာ လိုက်တာဗျာ။ မျှော်လိုက်ရတဲ့ ဒီမိုး။ ကိုယ့်အတွက်ချည်း သက်သက်မဟုတ်ပါဘူး။ နေ့စဉ်နဲ့ အမျှ အပူဒဏ်ကြောင့် ဖျားနာ၊ သေကြေပျက်စီးနေကြတဲ့ “ပြည်သူပြည်သားအားလုံး” အတွက်က အဓိကပါ။