ယနေ့ည မန်ယူ နဲ့ ဘာကာ ဘယ်သူနိုင်မလဲ

ဇာတာမှာ လဂ်က ဓနုလဂ်။ ဒွေးဒဟ လဂ်ပါ။ ဒွေးဒဟ လဂ်ဆိုကတည်းက သိပ်မကြိုက်တော့ပါဘူး။ ပြဿနာ ဇာတာတွေမှာ ဒွေးဒေဟလဂ် ဟာအားနည်းတဲ့ လဂ်ဖြစ်ပါတယ်။ လဂ်အိမ်ရှင် ကြာသပတေးက (၈)တန့်မှာ ရပ်ပါတယ်။ ဥုစ်တော့ ဥုစ်ပါဘဲ။ ဒါပေမယ့် (၈)တန့် မှာ ဥုစ်ဖြစ်တာ ဆိုးစရာရှိရင်လည်း တအားဆိုးပြီး ကောင်းစရာ ရှိရင်လည်း တအားကောင်းတတ်ပါ တယ်။ ဒါပေမယ့် ဒီဇာတာမှာတော့ ကောင်းစရာ မရှိပါဘူး။

ဟူးရားဇာတာတွေမှာ အလွန်အရေးကြီးတဲ့ (၁၁)တန့် အိမ်ရှင် သောကြာဟာ ရန်အိမ် သိဂ်ရာသီမှာ ရပ်တည်နေပြီး သမသတ်အိမ် ကနေ စနေဂြိုဟ်က မြင်နေတာဟာ အလွန်ဆိုးဝါး စေပါတယ်။ နောက်ပြီး လဂ်ပြီးရင် ဒုတိယအရေးပါတဲ့ စန်း(တနင်္လာ)ဂြိုဟ်ဟာလည်း (၁၂)တန့်ဗျာယ ဘာဝမှာ ဗျာယအိမ်ရှင် အင်္ဂါနဲ့ ပူးနေပါတယ်။ ဒါကြောင့် ကောက်ချက်ချကြည့်ရင် ယနေ့ညအဖို့ မြန်မာနိုင်ငံနဲ့ မြန်မာလူမျိုးတွေ အသဲစွဲ ဖြစ်တဲ့ မန်ချက်စတာ ယူနိုက်တက် အသင်းဟာ ချန်ပီယံလိဂ် ဆုဖလားကြီးကို သိမ်းပိုက်နိုင်ဖို့ အလွန်ခက်ခဲတဲ့ အခြေအနေဖြစ်နေပါတယ်။

‘ဒါကြောင့်မို့ သိမ်းပိုက်ခြင်းသိမ်းပိုက်ရင် ဘာကာဆိုတဲ့ဘာစီလိုနားကသာ သိမ်းပိုက်သွားဖို့ အလားအလာ အလွန်များ နေပါတယ်။ မန်ယူအတွက်တော့ ယနေ့ညအဖို့ ကံမကောင်းနိုင်ပါခင်ဗျား။