“ပုတိ ဘင်္ဂ မရဏ” အပိုင်း (၂)

“ပုတိ ဘင်္ဂ မရဏ” ဖွားနဲ့ ပတ်သက်ပြီး အလွန်အရေးကြီးတဲ့အချက်ကို ပြောပြရပါဦးမယ်။

“ပုတိ ဘင်္ဂ မရဏ” ဖွားဖြစ်နေတာက ပြဿနာမရှိပါဘူး။ ဒါပေမယ့် သင့်ရဲ့ နာမည်ဟာ “ပုတိ ဘင်္ဂ မရဏ” နဲ့ အစပြုထားလျှင်ဖြစ်စေ၊ အဆုံးသတ်ထားလျှင်ဖြစ်စေ သင့်ဘ၀မှာ ပြဿနာရှိနေပါပြီ

အထက်တန်းဖွားဘဲဖြစ်ဖြစ်၊ အောက်တန်းဖွားဘဲဖြစ်ဖြစ် ကိုယ်မှည့်ထားတဲ့ နာမည်ဟာ ပုတိ၊ ဘင်္ဂ၊ မရဏ နဲ့ အစ၊ အဆုံးပြုထားရင်တော့ နာမည်အင်အား ယုတ်လျော့ပြီး ဘဝဟာ အခက်အခဲများစွာ၊ အဆင်မပြေမှု များစွာနဲ့ ရင်ဆိုင်တွေ့ကြုံရစေနိုင်ပါတယ်။

ဒီနေရာမှာ နာမည်ရဲ့ အစနေ့နံက “ပုတိ ဘင်္ဂ မရဏ” ဖြစ်တာထက်

နာမည်ရဲ့ အဆုံးနေ့နံက “ပုတိ ဘင်္ဂ မရဏ” ဖြစ်တာ ပိုဆိုးပါတယ်။

နာမည် အစစာလုံးဟာ ဘဝအစပိုင်းကို ရည်ညွှန်းတာ ဖြစ်ပြီး နာမည် အဆုံးကတော့ ဘဝအလယ် နဲ့ ဘဝအဆုံးပိုင်းကို ရည်ညွှန်းတာဖြစ်လို့ နာမည်အဆုံးမှားတာက အစမှားတာထက် ပိုဆိုးပါတယ်။ အသက်ကြီးလေ ကံညံ့လေဖြစ်တတ်ပါတယ်။

“ပုတိ ဘင်္ဂ မရဏ” (၃)လုံးမှာ “ပုတိ” က အားအပျော့ဆုံးဖြစ်လို့ မွေးဇာတာ ကောင်းရင်တော့ ပုတိနဲ့ စတာ သိပ်ပြဿနာမရှိပါဘူး၊ မှည့်လို့ရပါတယ်။ ဒါကတော့ ချွင်းချက်ပါ။

နာမည်အဆုံးကတော့ “ပုတိ၊ ဘင်္ဂ၊ မရဏ” တစ်ခုခုနဲ့ လုံးဝအဆုံးမသတ်သင့်ပါဘူး။ ဘဝပြဿနာအရပ်ရပ်ကို ရင်ဆိုင်တွေ့ကြုံရတတ်ပါတယ်။

နာမည် “အလယ်စာလုံးများ”ကတော့ ကောင်းကျိုးဆိုးကျိုး သိပ်မပေးနိုင်တဲ့အတွက် နာမည်အလယ်မှာ “ပုတိ ဘင်္ဂ မရဏ” ပါတာ (နည်းရင်) သိပ်ပြဿနာမရှိပါဘူး။ ဒါပေမယ့် သိပ်များလွန်းရင်တော့ မကောင်းပါဘူး။ နာမည်အလယ်မှာ “ပုတိ ဘင်္ဂ မရဏ” (၂)လုံးထက် ပိုများလာပြီဆိုရင်တော့ ပြဿနာ ရှိလာပါပြီ။ (နာမည်ရှည်ရှည် မှည့်တတ်သူများ သတိပြုပါ)

ဒါကြောင့် မဟာဘုတ်အဖွားမှာ “ပုတိ၊ ဘင်္ဂ ၊ မရဏ” ဖွားများဖြစ်တာ ပြဿနာမဟုတ်ပါ။ သို့သော်ငြားလည်း နာမည်မှည့်ရာမှာတော့ နာမည် အစစာလုံးသည် (ဘင်္ဂ၊ မရဏ) ဖြစ်နေလျှင်သော်၎င်း၊ နာမည် အဆုံးလုံးသည် (ပုတိ၊ ဘင်္ဂ၊ မရဏ) ဖြစ်နေလျှင်သော်လည်း မိမိဘဝသည် သာမန်ထက် အခက်အခဲပိုများနေတတ်ပြီး ဘဝပြဿနာ အရပ်ရပ်ကို ရင်ဆိုင်ဖြေရှင်းရမှု များပြားနေတတ်ပါတယ်။ ဘဝအောင်မြင်ကြီးပွားရေးမှာလည်း (ဖြစ်သင့်ဖြစ်ထိုက်သည်ထက်) ပိုမိုနည်းပါးနေတတ်ကြောင်း တင်ပြအပ်ပါသည်ခင်ဗျာ။

ကိုယ့်ရင်သွေးလေးအတွက် တစ်သက်တာလုံး အဆင်ပြေပြေတဲ့ နာမည်ကောင်းရအောင် ကွန်ပျူဗေဒသုခုမက တာဝန်ယူပါရစေ

ဖတ်ရှုသူအားလုံး ကျန်းမာချမ်းသာကြပါစေသော်။

ဒေါက်တာတင်ဗိုလ်ဗိုလ် (ကွန်ပျူဗေဒသုခုမ)

You May Also Like
Read More

နေ့သင့်နံသင့် ပေးဖို့သင့်မသင့်

ကျွန်တော့်ရဲ့ နာမည်ပေး ဗေဒင်လုပ်ငန်း သက်တမ်းတစ်လျှောက်မှာ မိဘတွေ အများဆုံးတောင်းဆိုကြတဲ့ ကိစ္စကတော့ ကလေးကို နေ့သင့်နံသင့် နာမည်ပေးချင်တယ် ဆိုတာပါဘဲ။ မြန်မာနိုင်ငံမှာ လက်ရှိအများသုံးနေကြတဲ့ နာမည်ပေးပုံကတော့ “နေ့နံအပေါ် အခြေခံတဲ့ နာမည်ပေးနည်း” ဖြစ်တဲ့…
Read More

သီပေါမင်း နှင့် နာမည်ပက္ခတ်မိခြင်း

သီပေါမင်းဟာ မြန်မာနိုင်ငံရဲ့ နောက်ဆုံးမင်းဆက်ဆိုတာ လူတိုင်းသိကြပါတယ်။ သူ့ရဲ့ လက်ထက်မှာဘဲ ကိုယ့်မင်းကိုယ့်ချင်းနဲ့ အုပ်ချုပ်ခဲ့တဲ့ မြန်မာနိုင်ငံတော်ဟာ ထီးကျိုးစည်ပေါက် နန်းဆက်ပျောက်ခဲ့ပြီး အင်္ဂလိပ်လူမျိုးခြားတို့ရဲ့ သူ့ကျွန်ဘဝကို ကျရောက်ခဲ့ရပါတယ်။ တကယ်တော့ တတိုင်းပြည်လုံး သူ့ကျွန်ဘဝကို ရောက်ခဲ့ရတယ်ဆိုတာ…