# 9 / 11 အမှတ်တရ နှင့် အင်္ဂ၀ိဇ္ဇာပညာ
Published September 12, 2011 | 
.
တွက်ကြည့်မယ်ဆို (၁၀)နှစ် ပြည့်ခဲ့ပါပြီ။ လွန်ခဲ့တဲ့ (၁၀)နှစ် ၊ စက်တင်ဘာလ (၁၁)ရက်နေ့မှာ ကမ္ဘာ့လူသားအားလုံး တုန်လှုပ် ခြောက်ခြားသွားစေခဲ့တဲ့ အမေရိကန် World Trade Center တိုက်ညီနောင်ကို အိုစမာဘင်လာဒင် ခေါင်းဆောင်တဲ့ “အယ်ခိုင်းဒါး” အဖွဲ့ အလစ်ဝင် တိုက်ခိုက်လိုက်တာကြောင့် တိုက်ညီနောင် နှစ်လုံးလဲ ဘုန်းဘုန်းလဲကျ ၊ လူအသက်ပေါင်း (၃၀၀၀)လောက် ဆုံးရှုံးခဲ့ကြရတယ် မဟုတ်လား။
ဒီ အကြမ်းဖက် တိုက်ခိုက်မှုကြီးဟာ အဓိကအကြောင်းကတော့ ဘာသာရေး အစွန်းရောက်မှုကြောင့် ဖြစ်ရပေမယ့် ဒီ သေဆုံး ကွယ်လွန်သွားကြ သူတွေထဲမှာလည်း အကြမ်းဖက်တိုက်ခိုက်သူတွေနဲ့ ဘာသာတူတွေ အမြောက်အများ ပါဝင်နေခဲ့တာ ကတော့ အလွန်ကြေကွဲစရာပါဘဲ။
အသက်ဆုံးရှုံးသွားရတဲ့ လူ(၃၀၀၀)လောက်ဟာ သူတို့နဲ့ ရန်ညှိုးရန်စလည်း မရှိ ၊ လူခြင်းတောင်မှ မြင်ဘူး သိဘူးခြင်း မရှိ သူတွေရဲ့ ရက်စက်စွာ သတ်ဖြတ်မှု ကို ခံလိုက်ရပါတယ်။ ဘုမသိ ဘမသိနဲ့ အသက်ပေါင်းများစွာ ဆုံးရှုံးသွားခဲ့ရပါတယ်။ တကယ့် ကြေကွဲဖွယ် ဖြစ်ရပ်ကြီးတစ်ခုပါ။
# လောကဓံ ကြောင့် အရောင်ပြောင်းခြင်း
Published September 11, 2011 | 
.
ဗေဒင်အကြောင်း မရေးဘဲ ဟိုလျှောက်ရေး ဒီလျှောက်ရေး လို့တော့ မယူဆစေချင်ဘူး။ ကနေ့ စာအုပ်တစ်အုပ် ဖတ်မိရင်း ဟိုတွေးဒီတွေး တွေးမိရာက ကောက်ရေး မိလိုက်တာပါ။
ပုတ်သင်ညိုတွေမှာ အရောင်ပြောင်းတတ်ကြတာ မဟုတ်ပါဘူး။ လောကဓံလှိုင်းနဲ့ တွေ့လာတဲ့ လူသားတွေ မှာလည်း ကိုယ့်ရဲ့ စိတ်ပိုင်းဆိုင်ရာ ၊ သဘောထား ခံယူချက်တွေ ပြောင်းလဲ တတ်ကြပါတယ်။ နောက်ပြီး ကိုယ့်ပတ်ဝန်းကျင်ကလည်း ကိုယ့်အရောင်နဲ့အတူ အလိုက်အထိုက် ပြောင်းလဲသွားတတ်ကြပါတယ်။ ပေါ့ပေါ့ပါးပါး တွေးမိပြီး ရေးမိတာပါ။
ဗေဒင်ဆိုင်ရာတွေကတော့ ဒီလို ပေါ့ပေါ့ပါးပါး ရေးလို့ မရဘူးလေ။ အချိန် သိပ်ယူရလို့ အခုရက်ပိုင်းမှာတော့ ရေးဖြစ်ဖို့ အချိန်ကြာဦးမှာပါ။
ဒီလ (စက်တင်ဘာလ) အတွက် (၇)ရက်သားသမီးဟောကိန်းများ နဲ့ သင်္ချာဗေဒဟောကိန်းများကိုတော့ တင်မပေးနိုင်တော့မယ် မထင်ပါဘူး။ နောက်လ, မှာတော့ ဆက်ဆက်တင်ပေးပါမယ်။
# သြဂုတ်လအတွက် သင်္ချာဗေဒ ဟောကိန်းများ
Published August 8, 2011 | 
.
တစ်လစာ လစဉ်ဟောကိန်းများကို တနင်္ဂနွေ ၊ တနင်္လာ . . . စတဲ့ (၇)ရက်သားသမီး ဟောကိန်းများလောက်နဲ့ မလုံလောက်ဘူးလို့ ယူဆတာကြောင့် ယခုလမှာ “သင်္ချာဗေဒ” ဟောကိန်းများ ကို အစီအစဉ်သစ် အဖြစ် တင်ဆက်လိုက်ပါတယ်။ “(၇)ရက်သားသမီး ဗေဒင်” နဲ့ “သင်္ချာဗေဒ” နှစ်ခု တိုက်ကြည့်ပြီး အကောင်း အညံ့ကို “မျှပြီး ယူရင်” အမှန်ပိုများလာမယ်လို့ ယူဆလို့ ဒီအစီအစဉ်လေးကို တင်ဆက်ပေးလိုက်တာပါ။ လစဉ် တင်ပေးသွားမှာပါ။
ရက်ကတော့ နဲနဲတော့ နောက်ကျနေပါပြီ။ ဒါပေမယ့် ယခုရက်ပိုင်းအထိ ကြုံဆုံ နေတာတွေနဲ့ တိုက်ဆိုင်လို့ ပိုရသွားတာပေါ့။ “သင်္ချာဗေဒ” ဆိုတာ “ဂဏန်းဗေဒင်” လို့ လူသိများတဲ့ အနောက်တိုင်း (Numerology) နည်းစနစ်ပါဘဲ။ ဒါပေမယ့် မြန်မာလို “ဂဏန်းဗေဒင်” လို့ ခေါ်တာကို နှစ်ခြိုက်မှု မရှိလို့ “သင်္ချာဗေဒ” လို့ဘဲ သုံးနှုံးလိုက်ပါတယ်။ ဒီ သင်္ချာဗေဒပညာနဲ့ လစဉ်ဟောတဲ့ နည်းစနစ်လေးဟာ ကိုယ်ပိုင်နည်းစနစ် တစ်ခုဖြစ်ပြီး သုတေသနတော့ ကျယ်ကျယ်ပြန့်ပြန့် မလုပ်ရသေးပါဘူး။ စမ်းသပ်ထားတဲ့ လူဦးရေ နည်းနေ ပါသေးတယ်။ စမ်းသပ် ပြီးသလောက်တော့ အမှန်များ ပါတယ်။
ဒါကြောင့် ဒီနည်းစနစ်ကလေးရဲ့ မှန်ကန်မှုကို သိချင်လို့ ဒီလကုန်သွားရင် အမှား/အမှန် တိုက်ဆိုင်မှုကို Comment ထဲမှာ ၀င်ရေးပေးဖို့ အကူအညီ တောင်းလိုပါတယ်။ တကယ့် တိုက်ဆိုင်မှုကိုသာ သိချင်ပါတယ်။ မှားရင်လည်း မှားတယ်ပေါ့။ မှန်ရင်လည်း မှန်တယ်ပေါ့။ အမှန်အတိုင်းဘဲ ရေးပေးကြပါ။ သိက္ခာချလိုတဲ့ ရည်ရွယ်ချက်နဲ့ ၀င်ပြီး မရေးဖို့တော့ တောင်းပန်ပါတယ်။ အများအတွက် သုတေသန လုပ်ပေးနေတာမို့ စိတ်ကောင်းလေး မွေးပေးကြပါ။ ဟောချက်အတိုင်း ကောင်းပါရက်နဲ့ သိက္ခာချလိုတာကြောင့် မဟုတ်တာဝင်ရေးရင် ကိုယ့်မှာလည်း “ဒဏ်ပြန် သင့်တတ်ပါတယ်” ။ တကယ့်ကို အမှား ရာနှုံးများရင်လည်း တွက်နည်းကို ထပ်ပြီး ပြင်ဆင် ချင်လို့ပါ။ အကူအညီ တောင်းခံခြင်းမျိုးဖြစ်ပါတယ်။
တစ်လစာကို အင်္ဂလိပ်မွေးရက် (1)ကနေ (31) အထိရေးရမှာ ဖြစ်လို့ ကနေ့ တစ်နေ့တည်းနဲ့ အပြီး မရေးနိုင် သေးပါဘူး။ ပြီးသလောက် ဖတ်နိုင်အောင် တင်ပေးလိုက်တာပါ။ ကနေ့ (1)ရက်နေ့ ကနေ (10)ရက် နေ့အတွင်း မွေးသူများအတွက်ပါ။ မနက်ဖြန်မှာ (11) ကနေ (20) အထိ ၊ သဘက်ခါမှာ (21) ကနေ (31) အထိ ဆက်တိုက်တင်ပေးသွားပါမယ်။ ဖတ်ကြည့်ပါ။ တိုက်ဆိုင် စစ်ဆေးကြည့်ပါ။ လ, ကုန်တဲ့ အထိပေါ့။ ကျန်းမာချမ်းသာကြပါစေ။
——————————————————————————————————————————–
1 ရက်နေ့ မွေးဖွားသူများ
ယခုလတွင် မျှော်လင့်မထားသော ရုတ်တရက် ကံကောင်းမှုကို ကြုံတွေ့ဖွယ်ရှိသည်။ အပေါင်းအသင်း မိတ်ဆွေများ၏ လေးစားမှုကို ရရှိမည်။ ပညာရေးကံ အလွန်ကောင်းလိမ့်မည်။ ဖြေဆိုထားသော စာမေးပွဲအားလုံး အောင်မြင်နိုင်သည်။ လုပ်ငန်းရှင်များ လုပ်ငန်းများ တိုးတက်ချဲ့ထွင်ရတတ်သည်။ အကြံကောင်း ဉာဏ်ကောင်းများပေါ်ထွက်ပြီး အောင်မြင်စွာ အကောင်အထည်ဖော်နိုင်လိမ့်မည်။ အပြိုင်အဆိုင်များအပေါ် အနိုင်ရတတ်သည်။ ဘာသာရေး ကိစ္စများ ဆောင်ရွက်ရတတ်သည်။ သင်သည် တစ်စုံတစ်ခုကို ရှာဖွေနေသူ ၊ တောင့်တ နေသူဖြစ်ပါက သင့်လိုအင် ဆန္ဒများ ယခုလတွင် ပြည့်စုံနိုင်ချေရှိသည်။ ဆွေမျိုး ၊ အပေါင်းအသင်းများထဲမှ နာရေး ကိစ္စတစ်ခု ကြုံရတတ်သည်။ တစ်လလုံးအနေဖြင့် ခြုံပြောရလျှင် ကံကောင်းသော လ, တစ်လဖြစ်လိမ့်မည်။
# (၇)ရက်သားသမီးများအတွက် သြဂုတ်လ ဟောကိန်းများ
Published August 5, 2011 | 
.
တနင်္ဂနွေသားသမီးများ
ယခုလအတွက် တနင်္ဂနွေသားသမီးများ ယခုလအတွက် ကိုယ်ပင်ပန်း ၊ စိတ်ပင်ပန်းမှု များမည့်လ, ဖြစ်နိုင်တယ်။ စိတ်သောက များရမယ်။ စိတ်ဖိစီးမှုများမယ်။ ၀န်ထမ်းများ ရာထူးတက်ကိန်း ရှိပေမယ့် အလွန်တာဝန်ကြီးတဲ့ နေရာတွေကို ယူရတတ်တယ်။ လုပ်ငန်းခွင်ထဲမှာ ရန် အတိုက်အခိုက်ပေါ်မယ်။ ငွေကြေးကံတော့ ကောင်းနေလိမ့်မယ်။ တစ်ချို့ ထီပေါက်ကိန်း ရှိနိုင်တယ်။ ဒါပေမယ့် ထီပေါက်ပြီးရင် Accident ဖြစ်နိုင်တယ်။ ဒီလတစ်လလုံး စိတ်လေနေမယ်။ ငွေကြေးကိစ္စ အသုံးထက် အဖြုန်းက များနေတတ်တယ်။ လူမျိုးခြား ၊ ဘာသာခြား ဒုက္ခပေး ခံရ နိုင်တယ်။ ဒီလထဲမှာ အိမ်ကို လူအိုလူမင်း ၊ ကျန်းမာရေး ချို့ယွင်းနေသူများ လာရောက်တည်းခိုလျှင် ကံမကောင်းလှတဲ့ နိမိတ် ဖြစ်တယ်။ ကိုယ်ပိုင် လုပ်ငန်း လုပ်သူများ အလုပ်အကိုင်တိုးတက်ပြီး စီးပွားရေးမှာတော့ ထိခိုက်စရာ မရှိပါ။ ထူးထူးခြားခြား ငွေဝင် ကိန်းများပင် ရှိနေပါတယ်။ ကားဝယ်ရန် စီစဉ်နေသူများ ယခုလ ကားဝယ်ဖြစ်လိမ့်မယ်။ မြေအရောင်း အ၀ယ် လုပ်သူများအတွက် ယခုလမှာ ကိုယ်ဝယ်ထားတဲ့ မြေနဲ့ ပတ်သက်ပြီး ပြဿနာ တစ်ခုခု ၀င်နိုင်တယ်။ ခရီးသွားရန် ကြံနေသူများ ခရီးစဉ် ပျက်ခြင်း (သို့) နှောင့်နှေးကြန့်ကြာနေခြင်းများ ဖြစ်တတ်တယ်။
နာမည်မှာ နာမည်မှာ တနင်္ဂနွေ စ, ပြီး စနေ ဆုံးသူများ နှင့် ကြာသပတေး ဆုံးသူများ ယခုလ Accident နှင့် ကျန်းမာရေး ညံ့ခြင်းများ၊ အိမ်ထောင်ရေး ပြဿနာများ ဖြစ်ကိန်း ရှိနိုင်တယ်။ သိပ်တော့ အားမပြင်းလှပါ။
ယတြာကတော့ - နှင်းဆီပန်း အနီရောင် (၉)ပွင့်ကို မွေးနေ့မှာ ဘုရားမှာ ကပ်လှူလိုက်ပါ။
.
# ဆန်ဒရာ ဘူးလော့ဂ် နှင့် မြန်မာ့ရိုးရာဗေဒင်
Published July 27, 2011 | 
ဟောလီးဝုဒ် မင်းသမီးတစ်လက်ဖြစ်တဲ့ ဆန်ဒရာ ဘူးလော့ဂ် (Sandra Bullock) ဆိုရင် မြန်မာပရိတ်သတ် တော်တော်များများ သိကြပါလိမ့်မယ်။ သူဟာ 1990 ခုနှစ်မှာ ရုံတင်ပြသခဲ့တဲ့ “Speed” ဇာတ်ကားမှာ မင်းသားချော “ကိနူးရိဗ် (keanu reeves) နဲ့ တွဲဖက်ပြီး သရုပ်ဆောင်ခဲ့ပြီး ဒီ ဇာတ်ကားဟာ အလွန်အောင်မြင်ခဲ့တဲ့ ဇာတ်ကားတစ်ကားဖြစ်ခဲ့ပြီး တက်သစ်စ မင်းသမီး ဆန်ဒရာ ဘူးလော့ဂ်ကိုလည်း လူသိများ ထင်ရှားလာခဲ့ပါတယ်။
ပထမ “Speed” ဇာတ်ကား အောင်မြင်တော့ ဆက်ပြီး Speed (2) , Speed (3) စသည်ဖြင့် ဆက်ရိုက်ခဲ့ပေမယ့် ပထမဆုံး Speed ကားလောက်တော့ အောင်မြင်မှု မရခဲ့ပါဘူး။ ဒီဇာတ်ကားတွေဟာ စီးပွားရေးအရ အောင်မြင်ခဲ့ပေမယ့် ဟောလီးဝုဒ် လောက တစ်ခုလုံး မက်မောကြတဲ့ “အကယ်ဒမီ” ဆုများကို တော့ ချိန်ရွယ်နိုင်ခြင်း မရှိခဲ့ပါဘူး။
တကယ်လို့ များ အဲဒီအချိန်တုန်းကသာ “အကယ်ဒမီ” ဆုကို ရရှိခဲ့မယ်ဆိုရင် ဆန်ဒရာ ဘူးလော့ဂ်ဟာ အသက် (၂၆)နှစ်လောက် သာ ရှိသေးတဲ့ အချိန်ဖြစ်လို့ တကယ့် အချိန်အခါကောင်းပါဘဲ။ ဒါပေမယ့် “ဖြစ်ချင်တာ မဖြစ်ရ ၊ မဖြစ်ချင်တာ ဖြစ်ရတတ်တဲ့” လူ့ဘောင်လောကရဲ့ သဘာဝအတိုင်း ဆန်ဒရာဘူးလောဂ့်ဟာ သူသိပ်လိုချင်တဲ့ “အကယ်ဒမီ” ဆုကို ၂၀၀၉ ခုနှစ်မှာ ရုံတင်ပြသ ခဲ့တဲ့ (Blind Side) ဇာတ်ကားကြီးနဲ့ကျမှ ဆွတ်ခူး ရရှိပါတော့တယ်။ ဒါပေမယ့် အဲဒီ အချိန်မှာ သူ့အသက်က (၄၅) နှစ် ပြည့်ပြီးလို့ (၄၆) နှစ်ထဲကို ၀င်နေပါပြီ။ အရွယ်နှောင်းနေပါပြီ။ အကယ်ဒမီ အရှိန်အ၀ါ ရှိပေမယ့်လည်း ရှေ့အနာဂါတ်အတွက် လူကြီးခန်းတွေမှာဘဲ သရုပ် ဆောင်ဖို့ရဖို့ များနေပါပြီ။
# (၇)ရက်သားသမီးများအတွက် ဇူလိုင်လ ဟောကိန်းများ
Published July 5, 2011 | .
တနင်္ဂနွေသားသမီးများ
ယခုလအတွက် တနင်္ဂနွေသားသမီးများ ကံဇာတာ ညံ့ဖွယ်ရှိတယ်။ ကျန်းမာရေး ဂရုစိုက်ရမယ်။ အဖျားအနာ ရှိတတ်တယ်။ နာမည်ပျက်ကိန်း ဂုဏ်သိက္ခာ ကျဆင်းကိန်း ရှိတတ်တယ်။ ပြည်တွင်းခရီး ၊ နိုင်ငံခြား ခရီးတွေ ထွက်ဖို့ ရှိပေမယ့် ခရီးစဉ် အဆင်မပြေတတ်ပါ။ နိုင်ငံရပ်ခြား သွားမည့်သူများ ရေခြားမြေခြားရောက်မှ မကျန်းမာခြင်း ၊ အလုပ်အကိုင်အဆင်မပြေခြင်း ၊ မတော်တဆ ထိခိုက်ခြင်းများ ရှိနိုင်တယ်။ အင်္ဂါနံ ပစ္စည်း ၀င်ကိန်း ရှိတယ်။ ကွဲကွာနေတဲ့ ညီအစ်ကို မောင်နှမ များ ပြန်လည်ဆုံတွေ့နိုင်တယ်။ ကိုယ်လိုချင်နေတဲ့ စက်ပစ္စည်း ၊ အီလက်ထရောနစ်ပစ္စည်း ၊ ကွန်ပျူတာဆိုင်ရာ ပစ္စည်း တစ်ခုခု ၀ယ်ဖြစ်လိမ့်မယ်။ အကြီးအကဲ ၊ အစိုးရနဲ့ ဆက်သွယ်ဆောင်ရွက်နေတဲ့ ကိစ္စများ အောင်မြင်ကိန်း ရှိတယ်။ အထက်လူကြီး ၊ အကြီးအကဲရဲ့ မျက်နှာသာပေးမှု ၊ အခွင့်အရေးပေးမှု ရနိုင်တယ်။ အချို့သော တနင်္ဂနွေ သားသမီးများမှာ လိင်ကိစ္စ အရှုတ်အထွေးများ ပေါ်ပေါက်ကိန်း ရှိတတ်တယ်။ ဒီလထဲမှာ အိုးအိမ် ၊ အဆောက်အဦးနဲ့ ပတ်သက်တဲ့ ကိစ္စများ ကံမကောင်းနိုင်ပါ။ အသက်ကြီးသူ ဖခင်ရှိပါက ကျန်းမာရေး ဂရုစိုက်ခိုင်းပါ။ မမာမကျန်းဖြစ်တတ်တယ်။ အလုပ်နဲ့ ပတ်သက်ပြီး စုံစမ်းစစ်ဆေးခံနေရသူများ ၊ တိုင်စာ အပစ်ခံထားရသူများ ဒီလထဲမှာ အလုပ်ပြုတ်ကိန်း ရှိတယ်။ ငယ်ရွယ်သူများ အချစ်ရေးကိစ္စ ကံမကောင်းနိုင်ပါ။ မိမိ ချစ်သူနဲ့ စကားများ ၊ ရန်ဖြစ်ရကိန်း ရှိတယ်။
နာမည်မှာ တနင်္ဂနွေနံ စ, ပြီး တနင်္ဂနွေနံ ၊ တနင်္လာနံ ၊ သောကြာနံ များနှင့် “ပိတ်” ထားသူများ ဒီလထဲမှာ အညံ့များနိုင်တယ်။ အထူးဂရုစိုက်ပါ။
ယတြာကတော့ – အုန်းသီးတစ်လုံးပေါ်မှာ ထုံးနဲ့ “သုည” တစ်လုံး ရေးဆွဲလိုက်ပြီး အုန်းသီးကို ရေမှာ မျှောလိုက်ပါ။
# အလွယ်ဆုံး ဗေဒင်မေးနည်း
Published June 30, 2011 | 
ကိုယ့်မှာ ပြဿနာ တစ်ခုခု ရှိလာပြီဆိုရင် ဗေဒင်ဆရာနဲ့ ပြဿနာကို အဖြေရှာချင်ကြသူများအတွက် အလွယ်ဆုံး ဗေဒင်မေးနည်းလေး တစ်ခုကို တင်ဆက်ပေးလိုက်ပါတယ်။ ဗေဒင်မေးချင်ပြီဆိုရင်လည်း ဗေဒင်ဆရာ ရှာရတဲ့ ဒုက္ခကလည်း မသေးလှဘူးဗျ။ ကိုယ်မေးချင်တဲ့ ကိစ္စကို ဟောနိုင်တဲ့ဆရာကို ရှာရတယ်။ဟောတာ မှန်/မမှန်ကို လည်း စုံစမ်းရသေးတယ်။ နောက်ပြီး ခြောက်လုံးလှန့်လုံးတွေပေး မျှော်လင့်ချက်တွေပေးပြီး “ယတြာ” နဲ့ လုပ်စားနေတဲ့ ဆရာလိမ် ၊ ဆရာတုတွေနဲ့ တွေ့မှာလည်း ကြောက်ရသေး သဗျ။
ဟောပြောခ ကတော့ “သဒ္ဓါကြေး” လေးပါ။ ယတြာခကတော့ “သောင်းဂဏန်း ၊ သိန်းဂဏန်း” နဲ့ လုပ်စား နေကြတဲ့ ဆရာတု ၊ ဆရာလိမ်တွေကလည်း တစ်နေ့ထက် တစ်နေ့ ပေါမှ ပေါဘဲ။ ဒီတော့ မှန်မှန်ကန်ကန် နဲ့ အသက်မွေးနေကြတဲ့ ဗေဒင်ဆရာတွေ အတွက် ဗေဒင်ပညာနဲ့ အသက်မွေးရတာကိုက မျက်နှာပူစရာ ၊ ရှက်စရာလို ဖြစ်လာပြီ ပေါ့ဗျာ။ ဒီတော့ ပြဿနာ ရှိလာလို့ ဗေဒင်မေးချင်လာရင် ဘယ်ဗေဒင်ဆရာဆီမှ မသွားဘဲ ကိုယ့်အိမ်မှာတင် “ကိုယ်ဘဲ ဗေဒင်မေးသူ ကိုယ်ဘဲ ဗေဒင်ဆရာ” လုပ်ရရင် မကောင်းဘူးလား။
“ဆရာရယ် ကျွန်တော်/ကျွန်မ က ဗေဒင်မှ မတတ်ဘဲ ဘယ်လိုလုပ်ပြီး ဆရာပြန် လုပ်လို့ ရမှာလဲ” လို့ မေးချင်သေးလား။ ဒီတော့ ရှင်းပြရမှာပေါ့။ တကယ်တော့ လူတစ်ယောက်ရဲ့ အနာဂါတ်ဘဲဖြစ်ဖြစ် ၊ မိသားစုတစ်ခုရဲ့ အနာဂါတ်ဘဲ ဖြစ်ဖြစ် အရာအားလုံးရဲ့ အနာဂါတ်ဘဲ ဖြစ်ဖြစ် ကြိုတင် သတ်မှတ်ပြီးသားဘဲဗျ။ ဒီလို အနာဂါတ်မှာ ဖြစ်လာမယ့် ဖြစ်ရပ်တွေရဲ့ လျှို့ဝှက်ချက်တွေဟာ ကိုယ့်ရဲ့ ပါတ်ဝန်းကျင်မှာ “ပုံစံအမျိုးမျိုးနဲ့” ရှိနေပြီးသားပါ။ ဒါကို ဖော်ထုတ်လိုက်ရုံပါဘဲ။
# (၇)ရက် သားသမီးများအတွက် ဇွန်လ ဟောကိန်းများ
Published June 1, 2011 | 
.
တနင်္ဂနွေသားသမီးများ
ယခုလအတွက် တနင်္ဂနွေ သားသမီးများ ကံဇာတာ ကောင်းမွန်ပါလိမ့်မယ်။ ငွေကြေး စီးပွားဥစ္စာနဲ့ ပတ်သက်တဲ့ ကိစ္စတွေမှာ ကံကောင်းနိုင်တယ်။ ငွေစုငွေပုံဝင်ကိန်း (သို့) လုပ်ငန်းမှ ၀င်ငွေအမြတ်အစွန်း များပြားကိန်း ရှိတယ်။ ဒီလမှ တနင်္ဂနွေ သားသမီးများ စုတ်ရော ၊ လာဘ်ပါ ကောင်းမွန်နေပြီး အချစ်ရေး ၊ အိမ်ထောင်ရေးတွေ လည်း အဆင်ပြေတတ်တယ်။ လက်ထပ်ဖို့ အစီအစဉ် ရှိသူများ အိမ်ထောင်ကျတတ်တဲ့ လ, ဖြစ်တယ်။ လုပ်ငန်းခွင်အတွင်း နာမည်ကောင်းထွက်မယ်။ ကိုယ့်လုပ်ရပ်တွေ အဆင်ပြေချောမွေ့နေမယ်။ ဒီလထဲမှာ မကောင်းတာတစ်ခုက ငွေလူလိမ်ခံရကိန်း ၊ အလဟသ ဆုံးရှုံးရကိန်းမျိုး ရှိတတ်ပေမယ့် သိပ်တော့ အဆိုးကြီး မဟုတ်ပါ။ ဒီလထဲမှာ ပစ္စည်းအ၀ယ်မှားတာ ၊ ငွေကျပျောက်တာမျိုးရှိရင် မကောင်းတာ ယတြာကျေသွားတယ် လို့ အောက်မေ့လိုက်ပါ။ ဒီလထဲမှာ အထူးရှောင်ရမှာက “ပွပေါက်” ဆိုတဲ့ ကိစ္စမျိုးတွေ သူများ လာဆွယ်ရင် ငြင်းလိုက်ပါ။ လိမ်ညာမှု တစ်ခု ဖြစ်လိမ့်မယ်။ အလုပ်ရာထူး တိုးဖို့ ရှိသူများ ဒီလထဲ ရာထူးတိုးတာဖြစ်စေ ၊ နေရာကောင်းရောက်တာမျိုးဖြစ်စေ ကြုံရနိုင်တယ်။ ထီပေါက်ကိန်း ရှိတာမို့ (အောင်ဘာလေ) ထီလေး နည်းနည်းပါးပါး ထိုးထားပါ။
ယတြာကတော့ – ဘုရားမှ လဘ္ဘက်သုပ် နဲ့ ဆွမ်း ကပ်လှူလိုက်ပါ။
.
တနင်္လာ သားသမီးများ
တနင်္လာ သားသမီးများအတွက် ဒီလမှာ အခက်အခဲ အဖုအထစ် များမယ့် လ, တစ်လ ဖြစ်နိုင်တယ်။ ကောင်းတာလည်း ရှိမယ်။ ညံ့တာလည်း ရှိမယ်။ ငွေကြေး ၊ စီးပွား ၊ အလုပ်အကိုင် ၊ လူမှုဆက်ဆံရေး ပိုင်းတွေ မှာ ကောင်းမွန်တတ်ပြီး ကျန်းမာရေး အထူးညံ့ဖွယ် ရှိတယ်။ သက္ခတ် ညံ့ရင် ဆေးရုံဆေးခန်း တက်ရောက် ကိန်းရှိတယ်။ ကျန်းမာရေးအတွက် ငွေကုန်ကြေးကျ များရဖွယ် ရှိတယ်။ ဒါပေမယ့် ဆိုးဝါးတဲ့ အခြေအနေမျိုးတော့ မရှိနိုင်ပါဘူး။ ဒါပေမယ့် “ဗုဒ္ဓဟူးသက္ခတ်” အတွင်း ရောက်နေရင်တော့ ကျန်းမာရေး ပိုပြီး သတိထားပါ။ သားသမီး ရှိသူများ သားသမီးအတွက် စိတ်သောက ရောက်ရကိန်း ရှိတယ်။ ကိုယ်ယုံကြည်ရတဲ့ မိတ်ဆွေ တစ်ဦးက ကိုယ့်အပေါ် မကောင်းသတင်း ဖြန့်တာမျိုး ကြုံရတတ်တယ်။ ရွှေဝင်ကိန်း ရှိသလို ရွှေပြန်ထွက်ကိန်းလည်း ရှိတယ်။ ဒီလ တစ်လလုံး စိတ်ပူပင် သောက များတတ်ရပြီး စိတ်ဖိစီးမှုလည်း များတတ်တယ်။ ကိုယ့်အိမ်မှာ ဆွေမျိုး ဧည့်သည် လူဝင်လူထွက်များပြီး ဧည့်တာဝန်တွေ ဖိစီးနေရတတ်တယ်။ လူလိမ်လူကောက် သတိထားပါ။ လူလိမ်ခံရကိန်း ၊ သူခိုး ခိုးခံရကိန်းတွေ ရှိပါတယ်။ အိမ်ထောင်ပြုဖို့အစီအစဉ် ရှိသူများအတွက်တော့ ကောင်းမြတ်ခမ်းနားတဲ့ မင်္ဂလာအခမ်းအနားမျိုး လုပ်ရဖွယ် ရှိပါတယ်။
ယတြာကတော့ – သရက်သီးမှည့်ကို ဘုရားမှာ ကပ်လှူလိုက်ပြီး မိမိမစားဘဲ စွန့်ပစ်လိုက်ပါ။
# တော်ဝင်တို့ရဲ့ မင်္ဂလာပွဲ
Published May 7, 2011 | 
ပြီးခဲ့တဲ့ ဧပြီလ (၂၉)ရက်နေ့ကတော့ အင်္ဂလန် တစ်နိုင်ငံလုံးမှာ အုတ်အော် သောင်းတင်း ဖြစ်ရတဲ့ မင်္ဂလာ အခမ်းအနားကြီး တစ်ခု ကျင်းပခဲ့တာကို Sky Net ရုပ်သံလိုင်းကနေ Live လွှင့်ပေးတာကို ကြည့်လိုက်ရသဗျာ။ အတော့်ကို ကြီးကျယ် ခမ်းနားတာကလား။ မြန်မာနိုင်ငံက ကြီးကျယ်ခမ်းနား လှပါတယ်ဆိုတဲ့ မင်္ဂလာပွဲကြီးတွေနဲ့ နှိုင်းယှဉ်ကြည့်လိုက်တော့ “ရပ်ကွက်အငြိမ့် နဲ့ အော်ပရာပြဇာတ်” ဆိုတာလို ဖြစ်နေတော့တာကိုး။
အေးလေ ဟိုက နိုင်ငံတစ်ခုရဲ့ အိမ်ရှေ့စံမင်းသားဆိုတော့ “ဂလောက်တော့ ရှိမှာပေါ့” ။ သူတို့ နိုင်ငံက လူတွေကလည်း ကိုယ့်နိုင်ငံရဲ့ ဘုရင့် မိသားစုများဆိုရင် ချစ်လိုက် လေးစားလိုက်ကြတာများ အားကျဖို့တောင် ကောင်းသေး။
ကျွန်တော်တို့လို အသက်(၅၀)အရွယ် အဖိုးကြီးတွေအတွက်တော့ ဒီလို မင်္ဂလာအခမ်းအနားတွေဟာ စိတ်ဝင်စားစရာ မရှိလှတော့ပါဘူး။ လက်မထပ်ရသေးတဲ့ လူပျို အပျိုတွေ အတွက်တော့ အင်မတန် ကြည့်လို့ မ၀နိုင်တဲ့ ပွဲလမ်း အခမ်းအနား တစ်ခု ဖြစ်မှာပေါ့ဗျာ။ သူ့ခေတ်နဲ့ သူကိုး။
ဒီလို မင်္ဂလာအခမ်းအနားတွေ ရိုက်ပြတာကို ဘယ်လိုမှ စိတ်မ၀င်စားမိပေမယ့် ကျွန်တော် အတော် စိတ်ဝင်စားမိတဲ့ ကိစ္စတစ်ခုကတော့ ရှိသဗျို့။ တော်တော်ကို စိတ်ဝင်စားစရာပါဗျာ။ (ကိုယ့်လိုင်း လေ)
အဲဒါကတော့ မင်္ဂလာဆောင် ကျင်းပတဲ့ ရက်မြတ်မင်္ဂလာ ဖြစ်တော့သကိုး။ ကြည့်ပါဦးဗျာ။ ရွေးလိုက် ကြတာ။ ဧပြီလ (၂၉)ရက် တဲ့။ မြတ်စွာဘုရား။ ဘယ်လို ဖြစ်ရတာပါလိမ့်။ ဒီလောက်ဆိုးဝါးတဲ့ ရက်ကိုများ ဘာလို့ ရွေးမိလိုက်ကြပါလိမ့်လို့ (သူတို့အစား) အချောင်တွေး ပူမိလိုက်ပါတယ်ဗျာ။ ကာယကံရှင်တွေကတော့ ပျော်လို့ ရွှင်လို့ပေါ့။
# လက်ထပ်မယ်ဆို ၊ ရက်မြတ်ဘယ်လို
Published October 24, 2010 | 
.
မနေ့က ကွန့်မန့်ထဲမှာ စာဖတ်သူတစ်ယောက်က “အခုအချိန်ဟာ သီတင်းကျွတ်ပြီမို့ မင်္ဂလာဆောင်သင့်တဲ့ ရက်ကောင်းရက်မြတ်နဲ့ ပတ်သက်ပြီး ရှောင်ရန်/ဆောင်ရန်” လေးတွေ ရေးပေးပါဆိုလို့ ဒီပို့စ်လေးကို တင်ပေးလိုက်ပါတယ်။
ဟုတ်ပါ့ဗျား။ နှစ်စဉ်နှစ်တိုင်း ၀ါလကင်းလွတ် သီတင်းကျွတ်ပြီ ဆိုတာနဲ့ – လာလိုက်တဲ့ မင်္ဂလာ ဖိတ်စာတွေ၊ များလိုက်တဲ့ မင်္ဂလာဆောင်တွေ (၀ါတွင်း (၃)လုံး “အောင့်ထား” ရသလား မှတ်ရတယ် )။ ပလူကို ပျံလို့။
တခြားလတွေကော မင်္ဂလာဆောင်လို့ မရတော့တာ ကျနေတာဘဲ။ “ကျွတ်” ဆိုတဲ့ စကားလုံးပါလို့ “လူပျို၊ အပျို” ဘ၀တွေကနေ ကျွတ်ကြ၊ လွတ်ကြအောင် “နိမိတ်ယူ” ကြတာနဲ့ တူပါတယ်။
အောင်မယ် – သီတင်းကျွတ်ရင် ပြီးတာဘဲ ဆိုပြီး ဆောင်ချင်တဲ့ရက် ဆောင်ကြတယ်လို့တော့ မအောက်မေ့လေနဲ့နော်။ ရက်ကောင်း ရက်မြတ်ကလေးတော့ ရွေးပြီး ဆောင်ကြတာဘဲဗျ။ ဗေဒင်ဆရာ ရွေးပေးတဲ့ ရက်ဖြစ်ဖြစ် ၊ ကိုယ်ကိုးကွယ်တဲ့ ဆရာတော် ရွေးပေးတဲ့ ရက်ဖြစ်ဖြစ်ပေါ့။ ဒီလိုတော့ လုပ်ကြပါတယ်။ “ဆရာတို့ ၊ ဘုန်းဘုန်းတို့ ကောင်းတယ်ဆိုရင် ပြီးတာပါဘဲ” ဆိုတဲ့လူ များပါတယ်။ (တကယ် ကောင်းမကောင်းတော့ ဘယ်သူမှ သေသေချာချာ မသိကြပါဘူး)
# အပြောင်းအလဲ များတတ်တဲ့သူ
Published October 17, 2010 | 
.
မြန်မာ့ရိုးရာ သက္ခတ်ဗေဒင်ပညာနဲ့ ပတ်သက်ပြီး ကျွန်တော်ရေးခဲ့တဲ့ “ဒုက္ခပေးတဲ့ အင်္ဂါ၊ ဗုဒ္ဓဟူးစနေ အပိုင်း (၁) နဲ့ အပိုင်း (၂) ကို လေ့လာ ဖတ်ရှုပြီးသူများအနေနဲ့ “အင်္ဂါ ၊ ဗုဒ္ဓဟူး၊ စနေ” သက္ခတ်များရဲ့ ဒုက္ခပေးတတ်တဲ့ သဘောတရားလေးတွေကို ပြန်ပြီးမှတ်မိကြပါလိမ့် ဦးမယ်။ အသက် (၃၅)နှစ်ကျော်ပြီးခန့် လူတစ်ယောက် ဆိုရင်တော့ “အင်္ဂါ ၊ ဗုဒ္ဓဟူး၊ စနေ” သက္ခတ်များရဲ့ အတွင်း (အနည်းဆုံး) ၃ကြိမ်လောက် ဖြတ်သန်းပြီးပြီမို့ ဒီဂြိုဟ်တွေရဲ့ ဒုက္ခပေးမှုကို အနည်းနဲ့ အများ ခံစားကြဘူးကြမှာပါ။
ဒီကနေ့ ဆောင်းပါးမှာ အဲဒီ “အင်္ဂါ ၊ ဗုဒ္ဓဟူး၊ စနေ” သက္ခတ်ဂြိုဟ်(၃)လုံးအနက် “အင်္ဂါဂြိုဟ် သက္ခတ်”အကြောင်းကို အထူးအလေးပေး တင်ပြလိုပါတယ်။ အင်္ဂါသက္ခတ်ဟာ “လောကဓံ(၈)ပါး ဗေဒင်” မှာ “လောကုတ္တရာနယ်ပယ်” ကို စ, တင် ၀င်ရောက်လာတဲ့ “စပ်ကူးမတ်ကူး” ကာလဖြစ်တယ်။
ရှေ့လာမယ့် သက္ခတ်အဆိုး (၃)ခုဖြစ်တဲ့ ဗုဒ္ဓဟူး ၊ စနေ နဲ့ ကြာသပတေး တို့ဟာ “ကောင်းမလား ၊ ဆိုးမလား” ဆိုတာကို “အင်္ဂါဂြိုဟ်သက္ခတ်” အတွင်း ကျွန်တော်တို့ ခင်ဗျားတို့ရဲ့ တွေးခေါ်ကြံစည် ၊ လုပ်ကိုင်ဆောင်ရွက် ၊ ဆုံးဖြတ်မှုတွေ ဟာ အတော်လေး အရေးပါတာကို ကျွန်တော် သတိထားမိလာပါတယ်။
.
အင်္ဂါသက္ခတ်ဟာ ပြောခဲ့သလိုဘဲ ဒီသက္ခတ်ထဲ ရောက်လာရင် လူတွေဟာ စိတ်ကစား လာတတ်ကြတယ်။ အပြောင်းအလဲ တစ်ခုခု လုပ်ချင်လာတတ်ကြတယ်။ လက်ရှိ အလုပ်မှာ အဆင်ပြေနေတဲ့ သူကလည်း ဒီထက် အဆင်ပြေမယ့် လုပ်ငန်းတစ်ခုခုကို ကြံစည်လာ တတ်ကြတယ်။ လက်ရှိ အလုပ်မှာ အဆင်မပြေဖြစ်နေတဲ့ သူကလည်း လက်ရှိအလုပ်ကို “စုံကန်” ပြီး နောက်လုပ်ငန်းတစ်ခုကို စိတ်ဝင်စား လာတတ်ကြတယ်။
လက်ရှိမြို့ရွာ/နိုင်ငံမှာ နေထိုင်နေကြသူတွေကလည်း နောက်ထပ် မြို့ရွာ/နိုင်ငံတစ်ခုကို ရွှေ့ဖို့ ပြောင်းဖို့ ကြိုးစားလာတတ် ကြပြန်တယ်။ (ဒီအထဲမှာ ထူးထူးခြားခြား လက်ရှိ မယားကြီးကို စိတ်ကုန်ပြီး နောက်ထပ် မယားလေးကို အပြောင်းအလဲလုပ်ဖို့ ကြိုးစားနေကြသူတွေလည်း ပါသဗျ)
# အသက်ရှည်ရာ အနာမဲ့ကြောင်း (၁)
Published October 5, 2010 | 
.
ယခု ဆောင်းပါးလေးကတော့ ကျွန်တော့်ရဲ့ “ဖိတ်ခေါ်ခြင်း” ဆိုတဲ့ “ကလောင်သစ်တွေ” ပေါ်ထွန်း လာဖို့ ဖိတ်ခေါ်တဲ့ ဆောင်းပါးလေး အပြီးမှာ ပေါ်ထွက်လာတဲ့ ကလောင်သစ် တစ်ဦး ဖြစ်ပါတယ်။ ကလောင်နာမည် “သုတေတီ(မြန်မာ့ဆေးပညာ)” ဖြစ်ပြီး “မြန်မာ့ဆေးပညာနဲ့ ကျန်းမာရေး ဆောင်းပါးများ” ကို ရေးသွားတင်ဆက်သွားမှာ ဖြစ်ပါတယ်။ ယခု သူ့ရဲ့ ပထမဆုံးလက်ရာဖြစ်တဲ့ “အသက်ရှည်ရာ ၊ အနာမဲ့ကြောင်း – (၁)” “ဆေးလည်း အစာ၊ ဘေးလည်း အစာ” ဆောင်းပါး ဖြစ်ပါတယ်။ အားပေး ဖတ်ရှုကြည့်ကြပါစို့။
မှတ်ချက်။ ။ ဆရာသုတေသီ၏ လက်ရေးမူကို “ဗေဒသုခုမ” Web Page ၏ “စတိုင်” နှင့် ကိုက်ညီအောင် (ဆရာ၏ ခွင့်ပြုချက်အရ) အနည်းငယ် ပြင်ဆင်ရေးသား ထားပါသည်။
———————————————————————————————————————————————————–
ဆေးလည်း အစာ ၊ ဘေးလည်း အစာ
ဒီဆောင်းပါးလေးကို သမိုင်းဖြစ်ရပ်ကလေး တစ်ခုနဲ့ စ, လိုက်ချင်ပါတယ်။ လွန်ခဲ့တဲ့ နှစ်ပေါင်း (၄၀)ကျော် (၅၀) လောက်က မြန်မာနိုင်ငံမှာ “နေလ၀ိဇ္ဇာ” ဆေးပညာလို့ ကျော်ကြားခဲ့တဲ့ ဆေးပညာ တစ်ခု လျှမ်းလျှမ်းတောက် ကျော်ကြားအောင်မြင်ခဲ့ပါတယ်။ ဒီပညာကို တတ်ကျွမ်းတဲ့ ဆရာတစ်ဦးဟာ ရန်ကုန်မြို့ ၊ ကြည့်မြင်တိုင်မြို့နယ်မှာ “နေလ၀ိဇ္ဇာ” ဆေးခန်းဆိုပြီး မြန်မာ့ဆေးခန်းလေး တစ်ခု ဖွင့်လှစ် ကုသခဲ့တာ ဘယ်လောက်တောင်မှ အောင်မြင်သလဲဆိုရင် “အနောက်တိုင်း ဆေးပညာ” နဲ့ ကုသတဲ့ ဆေးရုံတွေဟာ “ကျီးနဲ့ဖုတ်ဖုတ်” ဖြစ်သွား ရပါတယ်။
နေ့စဉ် ကြိတ်ကြိတ်တိုးနေတဲ့ ရောဂါသည် လူအုပ်ကြီးကို နေလ၀ိဇ္ဇာ ဆရာကြီးဟာ အင်မတန် ရိုးရှင်းလွယ်ကူတဲ့ ဆေးပေးနည်း နဲ့ ကုသခဲ့ရာ လူနာ ထောင်ပေါင်းများစွာဟာ ရောဂါတွေကနေ ပျောက်ကင်းခဲ့ကြပါတယ်။ ဒီ နေလ၀ိဇ္ဇာ ဆေးပညာအကြောင်း အကျယ် မချဲ့ လိုပေမယ့် နေလ၀ိဇ္ဇာ ဆေးပညာရဲ့ ကျောရိုးကို ပြောပါဆိုရင်တော့ “ဓာတ်စာ” ပါဘဲ။
# ဖုန်းရွှေ လာပြီ
Published September 27, 2010 | 
.
“ဖုန်းရွှေ” ဆိုတာ လူနာမည် မဟုတ်ပါ။ တရုတ်လူမျိုးတို့၏ ရိုးရာ အမွေအနှစ် “ဂမ္ဘီရ” ပညာတစ်ခုဖြစ်ပါတယ်။ တရုတ်အသံထွက် အမှန် (အနီးစပ်) ဆုံးကတော့ “ဖန်းရှုရီ” (Feng shui) လို့ ထွက်ရမယ် ထင်ပါတယ်။ ဒါပေမယ့် မြန်မာနိုင်ငံမှာ ဒီပညာကို ပထမဆုံး မိတ်ဆက်ပေးသူလို့ ဆိုနိုင်လောက်တဲ့ “ဆရာဟိန်းလတ်” က သူရဲ့ ပထမဆုံး (Feng shui) စာအုပ်ကို “ဖုန်းရွှေ” လို့ နာမည်ပေးလိုက်တဲ့ အတွက် မြန်မာနိုင်ငံမှာ ဒီပညာဟာ “ဖုန်းရွှေ” လို့ “နာမည်ပေါက်” သွားပါတော့တယ်။
“ဖုန်းရွှေ” ဆိုတာ ဘာလဲ? ။ ဘယ်လို ဂမ္ဘီရ ပညာလဲ? ။ ဟုတ်ကဲ့ – မှန်တဲ့အတိုင်း ပြောရင် ကျွန်တော်လည်း သိပ်မသိပါ။ ဒီပညာက ကျွန်တော် ကျွမ်းကျင်တဲ့ ပညာတစ်ခု မဟုတ်ပါ။
ဒီပညာနဲ့ ပတ်သက်ရင် ဆရာဟိန်းလတ် နဲ့ ဆရာသက်လုံ တို့ရဲ့ စာအုပ်တွေလောက်သာ ဖတ်ဘူးပြီး ဒီပညာအကြောင်း နှိုက်နှိုက် ချွတ်ချွတ် မလေ့လာဘူးပါ။ လက်တွေ့နဲ့ ယှဉ်ပြီးတော့ လည်း သုတေသန မပြုဘူးပါ။ “စာသိ” လောက်ဘဲ ရှိပါတယ်။
စာသိအရတော့ “ဖုန်းရွှေ” ပညာဟာ “နေအိမ်၊ အဆောက်အဦ အခင်းအကျင်း” တွေနဲ့ ဆိုင်တဲ့ ပညာဖြစ်ပြီး “နေအိမ် အဆောက်အဦပညာ” (ဂေဟာဗေဒ)လို့ ခေါ်ရမလား ထင်ပါတယ်။ အဆောက်အဦး တစ်ခု ဆောက်လုပ်တော့မယ်ဆိုရင် ဘယ်လိုမြေနေရာမျိုး ရွေးရမယ်၊ ဘယ်လို ပုံစံမျိုး ဆောက်ရမယ်၊ ဘယ်လို အခန်းဖွဲ့စည်းပုံမျိုး ဖွဲ့ရမယ်၊ ဘုရားစင်က ဘယ်နေရာ၊ ဧည့်ခန်းက ဘယ်နေရာ ၊ မီးဖိုဆောင်က ဘယ်နေရာ၊ အိမ်သာ ရေချိုးခန်းက ဘယ်နေရာ . . . စသည်ဖြင့် စနစ်တကျ နေရာချထားတဲ့ ပညာကို “ဖုန်းရွှေ” ပညာလို့ ခေါ်ပါတယ်။
အဆောက်အဦးရဲ့ ကျက်သရေ မင်္ဂလာကို တိုးတက်စေတဲ့ ပစ္စည်းများ ဖြစ်တဲ့ “ငါးကန်” လေးတွေ၊ နိမိတ်ကောင်းတဲ့ ပန်းပင်လေးတွေ၊ အသံချိုလွင်တဲ့ ပစ္စည်းလေးတွေကို နေရာချ ထားတဲ့ ပညာလည်း ဖြစ်ပါတယ်။ ဘယ်ပစ္စည်းကို ဘယ်နားမှာ ထားရမယ်၊ ဘယ်ပစ္စည်းကို ဘယ်နားမှာ မထားရဘူး ဆိုတာတွေလည်း ပါဝင်ပါတယ်။
# ဗေဒင်ပညာ နှင့် အတွေးအမြင်
Published September 19, 2010 | 
.
ဗေဒင်ပညာ ဘာလဲ?
ယနေ့အဖို့ ဗေဒင်ပညာအပေါ်တွင် လူအများစု အမြင်လွဲမှားနေမှုကို ရှင်းပြလိုပါသည်။ ဗေဒင်ပညာသည် လူ့ယဉ်ကျေးမှု မပေါ်ပေါက်ခင်ကတည်းက (ပုံစံအမျိုးမျိုးဖြင့်) ရှိနေခဲ့သည် ပညာတစ်ခုဖြစ်သည်။ ကမ္ဘာပေါ်တွင် ကိုးကွယ်နေကြသည့် ဘာသာတရားအားလုံးထက် စော၍ ပေါ်ပေါက်ခဲ့ခြင်းလည်း ဖြစ်သည်။ ယနေ့ ကွန်ပျူတာ သိပ္ပံခေတ်၊ နည်းပညာခေတ်သို့ ရောက်သည့်တိုင်အောင် ဗေဒင်ပညာကို ကမ္ဘာ့လူဦးရေ သန်းပေါင်းများစွာက ယုံကြည်လျှက် ရှိနေသေး ပေသည်။
.
မိမိသည် ဗေဒင်ပညာကို ယုံကြည်ပါသည်ဟု ပွင့်ပွင့်လင်းလင်း ၀န်ခံသူ ရှိသလို ဗေဒင်ကိုယုံလျှင် ရှက်စရာတစ်ခုဟု ယူဆပြီး ပွင့်ပွင့်လင်းလင်း ၀န်မခံသော ယုံကြည်သူများလည်း ရှိပေသည်။ သုတေသန စစ်တမ်းများအရ ပွင့်ပွင့်လင်းလင်း ၀န်မခံသော ယုံကြည်သူဦးရေက ပို၍ များပြားသည် ဟု သိရသည်။
.
ဗေဒင်ပညာကို မယုံကြည်သော သူများကိုပင် လေ့လာကြည့်လျှင် (၂)မျိုး(၂)စား တွေ့ရတတ်သည်။ ပထမ တစ်မျိုးမှာ မွေးဖွားလာသည်မှ သေဆုံးချိန်အထိ လုံးဝ ယုံကြည်မှု မရှိသူများဖြစ်သည်။ ဗေဒင်ပညာနှင့် လားလားမှ မသက်ဆိုင်သူများ ဖြစ်ကြသည်။ မည်သည့် ဘ၀လောကဓံမျိုးကို ရင်ဆိုင်ရသည်ဖြစ်စေ ဗေဒင်ပညာကို အားကိုးမရှာတတ်သော လူမျိုး ဖြစ်သည်။ (အရေအတွက် အလွန်နည်းလွန်းလှသည်)
# ဖိတ်ခေါ်ခြင်း
Published September 13, 2010 | 
.
စာဖတ်သူ မိတ်ဆွေ/ညီအစ်ကို မောင်နှမများ ခင်ဗျား။ ဤ ဆိုဒ်ကလေး စတင်တည်ထောင်သည်မှာ (၂)နှစ် တင်းတင်း ပြည့်ခဲ့ပါပြီ။ ယနေ့ စိတ်ကူးတစ်ခု ရမိသောကြောင့် တင်ပြလိုပါသည်။
.
စာဖတ်သူ ညီအစ်ကို မောင်နှမများထဲတွင်လည်း စာတို ပေစ ရေးရာ၌ လက်စွမ်း ၊ လက်စ ရှိသူ / စာရေးရန် ၀ါသနာ ပြင်းပြသူများ ရှိပါလိမ့်မည်။ အချို့လည်း ကိုယ်ပိုင် ဆိုဒ်ကလေးတစ်ခု ပြုလုပ်ရန် ဆန္ဒရှိနေသူ များလည်း ပါပါလိမ့်မည်။
.
ထို့ကြောင့် စာရေးသားရန် ၀ါသနာပါသူများအား ယခု မိမိ၏ “BayDaThuKhuMa (ဗေဒသုခုမ)”စာမျက်နှာ များတွင် ပါဝင်ရေးသားကြပါရန် ဖိတ်ခေါ်အပ်ပါသည်။ မည်သည့် စာပေအမျိုးအစားဟု မသတ်မှတ် လိုသော်လည်း အထူးသဖြင့် -
= ဗေဒင်ပညာရပ် ဆိုင်ရာ
= ဂမ္ဘီရ ပညာရပ် ဆိုင်ရာ
= ထူးခြားဆန်းကြယ် ဖြစ်ရပ်များ
= ကျန်းမာရေး နှင့် မြန်မာ့ဆေးပညာ
= စိတ်နယ်လွန် နှင့် စိတ်စွမ်းအား ဆိုင်ရာ
= နာမ်လောက / ပရလောက / သဘာဝလွန် ဖြစ်ရပ်ဆန်းကြယ်ဆိုင်ရာ
= ဗုဒ္ဓဘာသာ ဆိုင်ရာ အတွေးအမြင် နှင့် ဗဟုသုတ စာပေများကို ဦးစားပေးစေလိုပါသည်။ ဆောင်းပါး ပုံစံဖြစ်စေ ၊ ၀တ္တုပုံစံဖြစ်စေ ရေးသားပေးပို့နိုင်ပါသည်။
ဆောင်းပါးများကို ကလောင်အမည်ဖြင့်သာ ရေးသားရန်ဖြစ်ပြီး နာမည်ရင်း၊ နေရပ်လိပ်စာများကို လျှို့ဝှက်ထားနိုင်သည်။
