ကွန်ပျူ ဗေဒသုခုမ

.

မဟာဘုတ်ပညာဟာ အခုအချိန်အထိ မြန်မာ့ဗေဒင်ပညာ “စစ်စစ်” လို့ သတ်မှတ်ခံထားရဆဲ ဖြစ်တဲ့ ပညာတစ်ခု ဖြစ်ပါတယ်။ “မြန်မာ ၀ီကီပိဒိယ” ထဲမှာ ရေးသားထားချက်အရတော့ မဟာဘုတ်ပညာဟာ ဟိန္ဒူလက်ရိုး ဗေဒင်ပညာတွေရဲ့ အဆွယ်အပွားတစ်ခုလို့ ရေးထားသဗျ။ (ဘယ်သူဝင်ရေးသွားလဲတော့ မသိပါ) ။ ဒီရေးသားချက်ဟာ လက်ခံနိုင်စရာ မရှိပါဘူး။ ဘာဖြစ်လို့လည်းဆိုတော့ ဟိန္ဒူ နက္ခတ်ဗေဒင် စနစ်မှာ သုံးတဲ့ ဂြိုဟ်တွေရဲ့ ပရိယာယ် တွေ နဲ့ လက်ဆန်း မဟာဘုတ်မှာ သုံးတဲ့ ဂြိုဟ်တွေရဲ့ ပရိယာယ်ခြင်းမှ မတူတာဘဲ။ ဂြိုဟ်သက်တွေ၊ ဂြိုဟ်ရဲ့ အရောင်တွေ ၊ အရပ်ဒေသတွေ ၊ ကျောက်မျက်ရတနာတွေ . . . စတဲ့ ယူဆပုံတွေ အများကြီးကို ကွဲလွဲပါတယ်။ (ပရိယာယ် ဆိုတာ ဗေဒင် အသုံးအနှုံးဖြစ်ပြီး အဓိပ္ပါယ်က Definition ကို ဆိုလိုတာဖြစ်တယ်)

စာရေးသူလည်း ဟိန္ဒူ ၊ အနောက်တိုင်း ဗေဒင်ပညာ ရှေးကျမ်းဟောင်း တော်တော်များများကို ဖတ်ဘူးပါတယ်။ အင်္ဂ၀ိဇ္ဇာပညာမှာ သုံးတဲ့ “သူရဇ္ဇ၊ သောကြ၊ ဗုဒ္ဓ ၊ စနြေ္ဒာ ၊ သောရီ ၊ ဂုရု ၊ ဘောမ” ဆိုတဲ့ ဂြိုဟ်တွေကို ဆပွတ်အစီအစဉ်နဲ့ နေရာချထားတာကို ဟိန္ဒူ ရှေးဟောင်း ကျမ်းတွေမှာရော ၊ အနောက်တိုင်း နက္ခတ်ဗေဒင်ကျမ်း တွေမှာပါ တွေ့ဘူးပါတယ်။ ဒီကျမ်းတွေဟာ မြန်မာနိုင်ငံမှာ အင်္ဂ၀ိဇ္ဇာပညာကို ဖော်ထုတ်ခဲ့တဲ့ “တောင်တွင်းအကျော် ခင်ကြီးဖျော်” မမွေးခင်က ကျမ်းတွေ ပါပါတယ်။

ဒါကြောင့် အင်္ဂ၀ိဇ္ဇာပညာဟာ ဟိန္ဒူ နက္ခတ်ဗေဒင်ပညာရဲ့ အဆွယ်အပွားဆိုရင် လက်ခံနိုင်စရာ ရှိပါတယ်။ ဒါတောင်မှ “အထက်တစ်လုံး ၊ အောက်တစ်လုံး” ဆပွတ်ရိုက်သွားတာကတော့ ဆရာတော် ခင်ကြီးဖျော်ရဲ့ ဆင့်ပွားတီထွင်မှု ဖြစ်လောက်စရာ ရှိပါတယ်။

နောက်ပြီး တစ်နာရီခွဲစီ ယူထားတဲ့ “အခါ (၈)ခါ ပိုင်းတဲ့မူ” ကလည်း မူရင်း ဟိန္ဒူကျမ်းတွေနဲ့ ကွာခြားပါတယ်။ သူတို့က “တစ်နာရီစီ ပိုင်းသွားတဲ့ မူ” ကို ယူထားကြတာဘဲ တွေ့ရတယ်ခင်ဗျ။ ဒါပေမယ့် ဘယ် ရှေးဟောင်း ဟိန္ဒူကျမ်း၊ ရှေးဟောင်း အနောက်တိုင်း ကျမ်းမှာမှ “မဟာဘုတ်” နဲ့ ဆင်တူတာ တစ်ခုမှ မတွေ့ဘူးပါ။ (ကျွန်တော် ဖတ်ဘူး မှတ်ဘူး သလောက်ပေါ့နော်)။

ဒီတော့ ပြောချင်တာက မဟာဘုတ်ဟာ မြန်မာ့ရိုးရာဗေဒင် ပညာစစ်စစ်ဖြစ်တယ် ဆိုတာ ပြောချင်တာပါဘဲ။ ဘယ်ပညာရှင် ကနေ ဘယ်ခေတ်လောက်မှာ စတင်တီထွင်ခဲ့တယ်ဆိုတာတော့ ခုချိန်ထိ မသိရသေးဘူးခင်ဗျ။ နောက်တစ်ခုက မဟာဘုတ်ပညာရဲ့ “အဓိပ္ပါယ်ဖွင့်ဆိုချက်” ။ ဒီ ဆောင်းပါးမှာ ဒါလေးကို အဓိကထား ပြောချင်တာပါ။

မဟာဘုတ်ပညာဆိုတာ ဘာလဲ။ “မဟာ” ဆိုတာ “ကြီးကျယ်ခမ်းနားသော” ဆိုတဲ့ အဓိပ္ပါယ်ဖြစ်ပြီး “ဘုတ်” ဆိုတာ “ဘူတ” ဓာတ်ကြီးလေးပါးကနေ လာတယ်တဲ့။ “ပထ၀ီ၊ အာပေါ၊ ၀ါယော ၊ တေဇော” ဆိုတဲ့ ဓာတ်ကြီး (၄)ပါးပေါ့ဗျာ။ ကျွန်တော် တို့လက်ဆန်းဗေဒင် လေ့လာလိုက်စားသူတွေ အတော်များများဟာ “မဟာဘုတ်” ရဲ့ Defination ကို ဒီလိုဘဲ နားလည်ထားကြ ပါတယ်။ “ပထ၀ီ၊ အာပေါ၊ ၀ါယော ၊ တေဇော” ဆိုတဲ့ ဓာတ်ကြီး (၄)ပါး ကို အခြေပြု တွက်ချက်ရသော ပညာပေါ့ဗျာ။ မဟာဘုတ် စာအုပ်ပေါင်းများစွာကလည်း ဒီလိုဘဲ ရေးထားကြပါတယ်။

ဒီကြားထဲ ရှိသေးတယ်။ အွန်လိုင်းပေါ်မှာ မဟာဘုတ်ကို Buddhist Astrology တဲ့။ လုပ်ချလိုက်ပုံက။ နိုင်ငံခြားသားတွေကို ဉာဏ်ပညာ သိပ် ကြီးကျယ်တယ်လို့ချည်း မထင်လေနဲ့။ သူတို့လည်း ထင်ရာ မြင်ရာ လျှောက်ပြောတတ် ကြတာပါဘဲ။ Buddhist Astrology ဆိုတဲ့ စကားလုံးဟာ အင်မတန် နူးညံ့သိမ်မွေ့နက်ရှိုင်းတဲ့ ဗုဒ္ဓရဲ့ ဖီလိုဆိုဖီ ကို သို့လော၊ သို့လော ထင်ရောင်ထင်မှား ဖြစ်စေနိုင်တဲ့ စကားလုံးပါ။ လုံးဝ မသုံးစွဲသင့်တဲ့ စကားလုံးပါနော်။

အဓိက တရားခံကတော့ တန်ခိုးကြီး စေတီဘုရားတွေပေါ်မှာ ရှိတဲ့ “ဂြိုဟ်တိုင်” တွေဘဲဗျ။ မြန်မာ့ဗေဒင် ပညာကို နည်းနည်းပါးပါး တီးမိခေါက်မိရှိတဲ့ နိုင်ငံခြားသားတွေရဲ့ အမြင်မှာ ဘုရားရှေ့ကဂြိုဟ်တိုင်တွေမှာ ယတြာချေ နေကြတာ မြင်တော့ “ဘုရား နဲ့ ဗေဒင်ပညာ” ကို ပေါင်းစပ်လိုက်ပြီး Buddhist Astrology ဆိုတဲ့ အမည်နာမ ထွက်ပေါ်လာတယ်နဲ့ တူပါတယ်ဗျာ။

ဟုတ်ပြီ။ နိုင်ငံခြားသားတွေ မှားတာက ထားဦး။ ကျွန်တော်တို့ မြန်မာလူမျိုး ဗေဒင်ပညာရှင်တွေကရော။ အထက်က ပြောခဲ့တဲ့ အတိုင်း “မဟာဘုတ်” ဟာ “မဟာဘူတ ဓာတ်ကြီးလေးပါး” နဲ့ တည်ဆောက်ထားတဲ့ ပညာဆိုတာ ဟုတ်ရဲ့လား ? ။ ကျွန်တော်တို့ ပြန်ပြီး စဉ်းစားသင့်တယ်။

ကျွန်တော့ မိတ်တွေတွေထဲမှာ (ဗေဒင်ပညာရှင် မဟုတ်တဲ့) အသိအကျွမ်း ဦးလေးကြီးတစ်ယောက် ရှိပါတယ်။ နာမည်က “ဦးသောင်းတင်” လို့ ခေါ်ပါတယ်။ ဒီ ဦးလေးကြီးက တစ်နေ့မှာ ကျွန်တော့်ကို မဟာဘုတ် ဆိုတဲ့ အသုံးအနှုံးနဲ့ ပတ်သတ်ပြီး နဲ့ ပတ်သက်ပြီး မေးခွန်းတစ်ခု ထုတ်သွားဘူးပါတယ်။

သူ့အပြောက “ဆရာဗိုလ်ရေ ၊ ကျွန်တော့် ယူဆချက်ကတော့ မဟာဘုတ်ဆိုတာ ဓာတ်ကြီးလေးပါးကို ပြောတာမဟုတ်ဘဲ ၊ “ဆိုင်းဘုတ်” ၊ “ဘုတ်တိုင်” စတဲ့ အသုံးအနှုံးတွေမှာ ပါတဲ့ “ဘုတ်တိုင်” ကို ပြောတာလို့ ယူဆချင်တယ် တဲ့။ ဆရာတို့ မဟာဘုတ် ထူရင် အရင်ဆုံး တိုင်လေး နှစ်ချောင်းထောင် ၊ ပြီးရင် တန်းလေး နှစ်တန်းပစ် ပြီး “တိုင် စ, ပြီး ထူလိုက်တာ” မဟုတ်လား တဲ့။ ပြီးမှ “အောင်၊ လံ၊ ထူ၊ စစ်၊ သူ၊ ကြီး၊ ပွဲ” ဆိုပြီး ဂဏန်းတွေ လိုက်ချတာ မဟုတ်လား တဲ့။ ဒီတော့ ဆိုင်းဘုတ်ထူလိုက်ပြီး စာတွေ လိုက်ရေးလိုက်တာ နဲ့ မတူပေဘူးလား တဲ့။

အင်း - ဂွတော့ ကျပြီ။ ဟိုက ဗေဒင်ပညာရှင် မဟုတ်တဲ့သူ။ ကိုယ်က ဗေဒင်ပညာရှင်လို့ ခံယူထားတဲ့သူ။ လွယ်လွယ်နဲ့ လက်ခံလိုက်ရင် ကိုယ်ညံ့ရာကျမယ်။ (ကျွန်တော့် စိတ်ထဲမှာ ဖြစ်နေတဲ့ အတွေးတွေပါ)။ ဒါကြောင့် ချေပဖို့ စကားလုံး ရှာကြည့်တော့ မြန်မာတွေ သုံးတဲ့ “ဆိုင်းဘုတ်” က “ဘုတ်” ဟာ အင်္ဂလိပ်ဘာသာထဲက “Board” နဲ့ သွားတူနေတယ်။ ဒီတော့ ကျွန်တော်က ပြန်ပြီး ချေပတာပေါ့။

ဟာ - ဦးလေးကလည်း ၊ မြန်မာနိုင်ငံက အင်္ဂလိပ်လက်အောက်မှာ နှစ်ပေါင်း (၁၀၀)လောက် ကျွန်ဖြစ်ခဲ့တာဆိုတော့ တစ်ချို့စာလုံးတွေက အင်္ဂလိပ်ကနေ မြန်မာမှု ပြုထားတာ ရှိတယ်လေ။ “ဘောလုံး” တို့ ၊ “ဘက်ထရီအိုး” တို့ ရှိတယ်လေ။ “ဆိုင်းဘုတ်” ဆိုတာလည်း “Sign Board” ကနေ လာတာဖြစ်မှာပေါ့လို့ ချေပရတာပေါ့ဗျာ။

ဒီတော့ ဦးလေးကြီးက “မဟုတ်သေးဘူး ဆရာ။ “ဘုတ်” ဆိုတဲ့ စကားလုံးက မြန်မာ့စကားထဲမှာ အင်္ဂလိပ် မလာခင် ကတည်းက ရှိတာပါ။ ကျွန်တော်တို့ ငယ်ငယ်က “လိုက်တမ်း ပြေးတမ်း” ကစားတော့ “ဘုတ်တေး” ဆိုတဲ့ စကားကို ဆရာ သုံးဖူး မလား မသိဘူး။ “ဘုတ်တေး” လုပ်လိုက်ရင် လိုက်ဖမ်းတဲ့သူက ဆက်ဖမ်းလို့ မရတော့ဘူး။ “ဘုတ်” လုပ်လိုက်တယ် ဆိုတာက ရပ်နားလိုက်တာ၊ အခြေစိုက်လိုက်တာ၊ အခိုင်အမာ တည်ဆောက်လိုက်တာ ဆိုတဲ့ အဓိပ္ပါယ်တွေ ပါနေတယ် ဆရာ။ စဉ်းစားကြည့်ပါ။ “မဟာဘုတ်” က “ဘုတ်” ဟာ ဒီသဘောဘဲလို့ ကျွန်တော် ယူဆတယ်ဆရာ။ ပြေးတမ်းလိုက်တမ်း ကစားနည်း က မြန်မာပြည်ကို အင်္ဂလိပ်မလာခင်ကတည်းက ရှိနေတဲ့ မြန်မာ့ရိုးရာ ကစားနည်း တစ်ခုပါ တဲ့။

ကျွန်တော်လည်း ဒီစကားကို ချက်ခြင်းကြီး လက်ခံလိုက်တာ မဟုတ်ပေမယ့် စဉ်းစားစရာတော့ ဖြစ်လာတယ်။ ဒီ ဦးလေးကြီး “ဦးသောင်းတင်” ဆိုတာကလည်း နှယ်နှယ်ရရ ပုဂ္ဂိုလ်တော့ မဟုတ်ဘူးနော်။ ယခင် အစိုးရ၀န်ကြီးဌာန တစ်ခုမှာ ညွှန်ကြားရေးမှူး လုပ်ဘူးသူဖြစ်ပြီး အင်္ဂလိပ်ဘာသာ နဲ့ ပြင်သစ်ဘာသာကို အလွန်ကျွမ်းကျင်သူဖြစ်တယ်။ ဗေဒင်ပညာ မဟုတ်ပေမယ့် အဂ္ဂိရတ်ပညာ နဲ့ ဂမ္ဘီရ ပညာအချို့ကိုလည်း တီးမိ ခေါက်မိ ရှိသူဖြစ်တယ်။ ကိစ္စရပ်တစ်ခုကို လေးလေးနက်နက် သုံးသပ် ဆင်ခြင်တတ်တဲ့ ဉာဏ်မျိုးရှိသူဖြစ်တယ်။

ဦးလေးကြီး ပြန်သွားတော့ ကျွန်တော် ဒီကိစ္စကို ဆက်ပြီး စဉ်းစားဖြစ်တယ်။ လက်ဆန်းဗေဒင်ထဲမှာ “ပထ၀ီ၊ အာပေါ၊ ၀ါယော၊ တေဇော” ဆိုတဲ့ ဌာနတွေ ရှိပေမယ့် အဲဒါတွေက “မဟာဘုတ်ခွင်” ထဲမှာ မဟုတ်ဘဲ “အဌလဂ်ခွင်” မှာ ဖြစ်နေတယ်။ တကယ်တော့ အဌလဂ်ခွင်က မဟာဘုတ်တစ်ဦးတည်းပိုင် မဟုတ်ပါဘူး။ သုံးတန်ပေါ်နိစ် ကလည်း အဌလဂ်ခွင်ကို ပိုင်တာဘဲ။ ဆန်းဗေဒင်ကလည်း ပိုင်တာဘဲ။ အင်္ဂ၀ိဇ္ဇာကလည်း ဆိုင်တာပါဘဲ။ မဟာဘုတ် တစ်ဦးတည်းပိုင် မဟုတ်ပါဘူး။

မဟာဘုတ်ခွင်ထဲမှာတော့ “ပထ၀ီ၊ အာပေါ၊ ၀ါယော၊ တေဇော” ဆိုတဲ့ ဌာနတွေ မတွေ့မိဘူးဗျ (ကျွန်တော် စာဖတ်နည်းတယ် ထင်ရင်ခွင့်လွှတ်ပါ)။ မဟာဘုတ်ကသစ်အိမ် တွေဖြစ်တဲ့ “လှ၊ တော ၊ မြို့ ၊ သား ၊ အ ၊ ကြွား ၊ ဆင့်” ဆိုပြီး ရှိပေမယ့် မဟာဘုတ် (၇) အိမ်တွေမှာ - ပထ၀ီ အိမ် ၊ ၀ါယောအိမ် ၊ အာပေါအိမ် ၊ တေဇောအိမ် ရယ်လို့ သတ်မှတ်တာမျိုးတော့ မတွေ့ဘူးတာ အမှန်ပါ။

ကျွန်တော်တို့ တရုတ်လူမျိုးတို့ရဲ့ အကောင် (၁၂)ကောင် ဗေဒင်မှာ “ကျား” နှစ်မှာ မွေးသူတစ်ဦး ဆိုပါစို့။ အဲဒီမှာ တရုတ် ဘုတ်ကြီး(၅)ပါးအရ “ရေကျား ၊ သစ်သားကျား ၊ မီးကျား ၊ သတ္တုကျား . . . စသည်ဖြင့် ခွဲခြားထားတာ ရှိပေမယ့် ကျွန်တော်တို့ မဟာဘုတ်မှာ “သိုက်ဖွား” တစ်ဦးကို “ပထ၀ီ သိုက်ဖွား” “အာပေါ သိုက်ဖွား” . . . စသည်ဖြင့် ခွဲခြားထားတာ ၊ အဟောထုတ်တာရယ်လို့ မတွေ့ဘူးသေးဘူးခင်ဗျ။

နောက်ဆုံး အဌလဂ်ခွင်မှာတောင်မှ ဓာတ်ကြီး (၄)ပါး ရှိတယ်ဆိုပေမယ့် ဂြိုဟ်ခွင် သက်ရောက်အဟောတွေမှာ ဂြိုဟ်ရဲ့ ပရိယာယ်တွေကိုသာ အဓိကထားပြီး ဟောတာမျိုး တွေ့ရပြီး မီးဓာတ် အဟော ၊ ရေဓာတ် အဟော . . . စသည့်ဖြင့် ဟောတာမျိုး သိပ်မတွေ့ရပါဘူး။ တနင်္ဂနွေ သက်ရောက်ဆိုရင် “ ဖခင် ၊ အိုး ၊ အိမ် ၊ အလုပ်အကိုင် ၊ အကြီးအကဲ ၊ မင်္ဂလာကိစ္စ ” စသည်များနဲ့ ဆိုင်တဲ့ အဟောမျိုး ၊ တနင်္လာ သက်ရောက် ဆိုရင် “ မိခင် ၊ ငွေ ၊ ခြေနှစ်ချောင်း ၊ ယာဉ်ကား ” စသည်များနဲ့ ဆိုင်တဲ့ အဟော မျိုးတွေဘဲ ဟောကြ ပြောကြတာဘဲ တွေ့ဘူးပါတယ်။

ဒီလို ပြောနေတာဟာ “မဟာဘုတ်” ပညာကို သိက္ခာချလိုစိတ် ၊ “မဟာဘုတ်ပညာရှင်” တွေကို သိက္ခာချလို စိတ် အလျှဉ်း မရှိပါ။ ဒီသဘောနဲ့ ပြောနေတာ မဟုတ်ပါ။ ကျွန်တော်ကိုယ်တိုင် မဟာဘုတ်ကို အလွန်မြတ်နိုး တန်ဖိုးထားသူဖြစ်ပါတယ်။ ဒါပေမယ့် ကိုယ်လေ့လာလိုက်စားတဲ့ ပညာရပ် တစ်ခုရဲ့ အဓိပ္ပါယ် “ဇစ်မြစ်” ကိုတော့ တိတိကျကျ သိထားရင် ပိုကောင်းမယ် ထင်ပါတယ်။ ဖြစ်လည်း ဖြစ်သင့်ပါတယ်။ ကျွန်တော့် အနေနဲ့က အခုစာရေးနေချိန်အထိ ဘယ်ဟာ အမှန်ဆိုတာ ပြတ်ပြတ်သားသား မခံယူနိုင်သေးပါ။ ဒါပေမယ့် ဦးလေးကြီး “ဦးသောင်းတင်” ရဲ့ စကားက ပိုဖြစ်နိုင်ချေ ရှိတယ်လို့တော့ ထင်နေပါတယ်။

ဒါကြောင့် “မဟာဘုတ်” ရဲ့ အနက်အဓိပ္ပါယ်ကို တိတိကျကျ ခိုင်ခိုင်မာမာ သိသူ ရှိလျှင် ကွန်းမန့်ထဲမှာ ၀င်ပြီး ရေးပေးဖို့ ဖိတ်ခေါ်ပါတယ်။ ဒါမှမဟုတ် အထက်က အယူအဆ နှစ်ခုအပေါ်မှာ (ပိုင်ပိုင်နိုင်နိုင်မသိသော်လည်း) ဘယ်ဟာ ပိုဖြစ်နိုင်တယ်လို့ ထင်မြင်ယူဆချက်မျိုးကိုလည်း လက်ခံပါတယ်။

ကျွန်တော်ကိုယ်တိုင် “မဟာဘုတ်ပညာ” ကို ပိုင်ပိုင်နိုင်နိုင် အသုံးချနေသူဖြစ်ပေမယ့် ဒီလို အနက်အဓိပ္ပါယ်ကို တိတိကျကျ မပြောနိုင်သေးတာကို ကိုယ့်ကိုယ့်ကို ဘ၀င်မကျမိတာ အမှန်ပါ။ ဒါကြောင့် “မဟာဘုတ်” ပညာဟာ “မဟာဘူတ ဓာတ်ကြီးလေးပါး” လား ၊ “ကြီးကျယ်ခမ်းနားသော ဘုတ်တိုင်” လား ဆိုတာ ဝေဖန်ဆန်းစစ် ပေးကြပါခင်ဗျား။

.

ပညာရှင်များ အားလုံးသို့ မေတ္တာများစွာဖြင့်

.

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)