.

တနင်္ဂနွေသားသမီးများ

ယခုလအတွက် တနင်္ဂနွေသားသမီးများ ယခုလအတွက် ကိုယ်ပင်ပန်း ၊ စိတ်ပင်ပန်းမှု များမည့်လ, ဖြစ်နိုင်တယ်။ စိတ်သောက များရမယ်။ စိတ်ဖိစီးမှုများမယ်။ ၀န်ထမ်းများ ရာထူးတက်ကိန်း ရှိပေမယ့် အလွန်တာဝန်ကြီးတဲ့ နေရာတွေကို ယူရတတ်တယ်။ လုပ်ငန်းခွင်ထဲမှာ ရန် အတိုက်အခိုက်ပေါ်မယ်။ ငွေကြေးကံတော့ ကောင်းနေလိမ့်မယ်။ တစ်ချို့ ထီပေါက်ကိန်း ရှိနိုင်တယ်။ ဒါပေမယ့် ထီပေါက်ပြီးရင် Accident ဖြစ်နိုင်တယ်။ ဒီလတစ်လလုံး စိတ်လေနေမယ်။ ငွေကြေးကိစ္စ အသုံးထက် အဖြုန်းက များနေတတ်တယ်။ လူမျိုးခြား ၊ ဘာသာခြား ဒုက္ခပေး ခံရ နိုင်တယ်။ ဒီလထဲမှာ အိမ်ကို လူအိုလူမင်း ၊ ကျန်းမာရေး ချို့ယွင်းနေသူများ လာရောက်တည်းခိုလျှင် ကံမကောင်းလှတဲ့ နိမိတ် ဖြစ်တယ်။ ကိုယ်ပိုင် လုပ်ငန်း လုပ်သူများ အလုပ်အကိုင်တိုးတက်ပြီး စီးပွားရေးမှာတော့ ထိခိုက်စရာ မရှိပါ။ ထူးထူးခြားခြား ငွေဝင် ကိန်းများပင် ရှိနေပါတယ်။ ကားဝယ်ရန် စီစဉ်နေသူများ ယခုလ ကားဝယ်ဖြစ်လိမ့်မယ်။ မြေအရောင်း အ၀ယ် လုပ်သူများအတွက် ယခုလမှာ ကိုယ်ဝယ်ထားတဲ့ မြေနဲ့ ပတ်သက်ပြီး ပြဿနာ တစ်ခုခု ၀င်နိုင်တယ်။ ခရီးသွားရန် ကြံနေသူများ ခရီးစဉ် ပျက်ခြင်း (သို့) နှောင့်နှေးကြန့်ကြာနေခြင်းများ ဖြစ်တတ်တယ်။

နာမည်မှာ နာမည်မှာ တနင်္ဂနွေ စ, ပြီး စနေ ဆုံးသူများ နှင့် ကြာသပတေး ဆုံးသူများ ယခုလ Accident နှင့် ကျန်းမာရေး ညံ့ခြင်းများ၊ အိမ်ထောင်ရေး ပြဿနာများ ဖြစ်ကိန်း ရှိနိုင်တယ်။ သိပ်တော့ အားမပြင်းလှပါ။

ယတြာကတော့ - နှင်းဆီပန်း အနီရောင် (၉)ပွင့်ကို မွေးနေ့မှာ ဘုရားမှာ ကပ်လှူလိုက်ပါ။

.

တနင်္လာ သားသမီးများ

တနင်္လာ သားသမီးများအတွက် ယခုအတွက် ကံကောင်းမှု များနိုင်တယ်။ ငွေကြေးကိစ္စ အထူး ကံကောင်းနိုင်တယ်။ ဆုံးပြီ ထင်တဲ့ ငွေကြေးမျိုးတောင်မှ ပြန်လည် ရရှိနိုင်တယ်။ မြေ နဲ့ အိုးအိမ် အဆောက်အဦး ၀င်ကိန်း ရှိတယ် ။ ဒါမှ မဟုတ်ရင်လည်း မြေ ၊ အိုးအိမ် အဆောက်အဦးတွေနဲ့ ပတ်သက်ပြီး အကျိုးအမြတ် ရကိန်း ရှိတတ်တယ်။ ဒီလုပ်ငန်းတွေမှာ လုပ်နေသူတွေ လည်း အကျိုးများနိုင်တယ်။ နာမည်နဲ့ လုပ်စားသူများ နာမည်ကျော်ကြားကိန်း ရှိတယ်။ ရာထူးတက်ဖို့ ကြန့်ကြာနေသူများ ရာထူး တိုးတက်ပြီး နေရာကောင်းလည်း ရနိုင်တယ်။ ခရီးတိုများ သွားရကိန်း ရှိတယ်။ ဖခင်ဖြစ်သူ ကျန်းမာရေး မကောင်းဖြစ်တတ်ပြီး ဖြစ်လျှင် စိုးရိမ်ရတတ်တယ်။ အိမ်ထောင်ဘက် ကျန်းမာရေး ညံ့နိုင်တယ်။ ငယ်ရွယ်သူများ ကိုယ့်ထက် အသက်ကြီးသူများ ၊ လူမျိုးဘာသာခြားသူများ နှင့် အချစ်ရေး ကိစ္စ ကြုံရတတ်တယ်။ အချို့ အိမ်ထောင်ရှိသူများနှင့်ပင် ညိစွန်းတတ်တယ်။ အလိုလို နေရင်း စိတ်တို ၊ စိတ်ရှုတ်နေတတ်တယ်။ ဆွေမျိုးသားခြင်းရဲ့ ဒုက္ခပေးမှုကို ခံရတတ်တယ်။ ချစ်သူ ရှိပြီးသူများ အချစ်ရေး ကိစ္စများ အဆင်ပြေနိုင်တယ်။

နာမည်မှာ တနင်္လာ စ, ပြီး တနင်္ဂနွေ နှင့် အင်္ဂါ ၊ စနေ “ပိတ်” ထားသူများ ဒီလထဲမှာ အထူးကောင်းစားကိန်း ရှိပါတယ်။ ဒါပေမယ့် တစ်ဖက်ကလည်း ကျန်းမာရေး အညံ့ရှိနိုင်တယ်။ သိပ်တော့ စိုးရိမ်ဖွယ် မရှိပါ။

ယတြာကတော့ - မွေးနံ တနင်္လာနေ့မှာ အိမ်က ဘုရား ဘယာကြော်နဲ့ ဆွမ်းကပ်လှူ လှူဒါန်းလိုက်ပါ။

.

အင်္ဂါ သားသမီးများ

အင်္ဂါ သားသမီးများအတွက် ယခုလ, ဟာ ကံဇာတာ အညံ့ပိုများလိမ့်မယ်။ အထူး သတိထားရမှာက မတော်တဆ ထိခိုက်ဒါဏ်ရာ ရမှုဘဲဖြစ်တယ်။ ငွေကြေးကိစ္စတော့ ကံကောင်းနိုင်တယ်။ လာဘ်လာဘ ရွှင်လန်းနေလိမ့်မယ်။ ဥပဒေ နဲ့ မလွတ်ကင်းတဲ့ စီးပွားရေးမျိုး လုပ်နေသူများ ငွေများများဝင်ကိန်း ရှိပေမယ့် ဥပဒေနဲ့ ညိစွန်းကိန်းလည်း ရှိနေတယ်။ နာမည်မကောင်းသတင်း ထွက်တတ်တယ်။ နေရာထိုင်ခင်း အပြောင်းအလဲ ၊ အလုပ်အကိုင် အပြောင်းအလဲများ ရှိနိုင်ပြီး ဒီလို အပြောင်းအလဲ ရှိရင် အနည်းငယ် အဆိုးသက်သာခွင့် ရှိမယ်။ ဒီလထဲမှာ ခရီးတို ၊ ခရီးရှည်များ သွားလာရင် သတိအထူးထားပါ။ ဘေးအန္တရာယ် ကြုံတတ်ပါတယ်။ နိုင်ငံခြားထွက်ဖို့ ကြံနေသူများ ခရီးစဉ်ပျက်ပြားမှု နှောင့်နှေးကြန့်ကြာမှုများ ကြုံရတတ်ပါတယ်။ ဒီလထဲမှာ ၀င်တဲ့ ငွေကြေး လာဘ်လာဘဟူသမျှ မသန့်ရှင်းတဲ့ ငွေဖြစ်ရင် “ထောင် ၊ အချုပ်” များနှင့် အလွန်နီးစပ်လှတာကိုတော့ အထူး သတိပေးလိုပါတယ်။ သန့်ရှင်းတဲ့ငွေ ဖြစ်လျှင်သော်မှ ဒီလထဲမှာ ၀င်သမျှ အဖတ်မတင်တတ်ပါဘူး။ တနည်းနည်းနဲ့ ပြန်ထွက်တတ်ပါတယ်။

နာမည်မှာ အင်္ဂါ စ, ပြီး ဗုဒ္ဓဟူး ၊ ကြာသပတေး ၊ စနေ နံတွေနဲ့ “ပိတ်” ထားသူများ ဒီလထဲမှာ အညံ့များနိုင်တယ်။ အထူးသဖြင့် ဗုဒ္ဓဟူးနံ ပိတ်ထားသူများ အထူးသတိ ထားပါ။

ယတြာကတော့ - အိမ်ကဘုရားမှာ မွေးနေ့တိုင်း စွန်ပလွန်ယို လှူဒါန်းပေးပါ။ ပြီးရင် ကလေးငယ် တစ်ဦးဦးကို ပေးကမ်းစွန့်ကြဲလိုက်ပါ။ ကိုယ်တိုင် မစားရပါ။

.

ဗုဒ္ဓဟူး/ရာဟု သားသမီးများ

ဗုဒ္ဓဟူးသားသမီးများအတွက် ယခုလဟာ ကံကောင်းမှုတွေ ၊ ကံညံ့မှုတွေ အရောရော အထွေးထွေး ဖြစ်နိုင်တဲ့ လ, တစ်လဘဲ ဖြစ်ပါတယ်။ ကျန်းမာရေးကိုတော့ အထူးဂရုစိုက်သင့်တယ်။ ကျန်းမာရေး ရုတ်တရက် ထိခိုက်ဖွယ် ရှိတယ်။ ဒါပေမယ့် ဒီလထဲမှာ အလုပ်အကိုင် အခွင့်အလမ်းများ အလွန်တိုးတက်ကောင်းမွန်နိုင်တယ်။ ယခင်လများက လုပ်ငန်းသစ် စ, ထားသူများ ယခုလမှာ လုပ်ငန်းသစ်ကနေ အကျိုးအမြတ်များစွာ ရနိုင်တယ်။ တစ်ချို့ ဗုဒ္ဓဟူးသားများအတွက် ယခုလမှာမှ လုပ်ငန်းသစ်များ စ, တင်ဖွယ် ရှိပြီး ဒီလုပ်ငန်းဟာလည်း အလွန်အောင်မြင် တိုးတက်ဖို့ ရှိတယ်။ ငွေကြေး အလုံးအရင်း နဲ့ ၀င်ဖို့ ကိန်း ရှိနေတယ်။ အိမ်ထောင် ရေး အိမ်တွင်းရေးများမှာတော့ သာယာချမ်းမြေ့မှုများ ကြုံတွေ့ရမယ်။ (၀ါတွင်း အိမ်ထောင်မပြုရ ဆိုတာကို မယုံကြည်သူများ/ ဗုဒ္ဓဘာသာမဟုတ်သူများ) ယခုလမှာ အိမ်ထောင်ကျဖို့ အခွင့်အလမ်း အလွန်များတယ်။ ဟော်တယ် ၊ ခရီးသွားလာရေး ၊ စားပွဲရုံများ ၊ လူထု ဖျော်ဖြေရေးလုပ်ငန်း လုပ်သူများ ၊ အမျိုးသမီး အလှအပဆိုင်ပစ္စည်းများ ထုတ်လုပ် ရောင်းဝယ်သူများ ၊ ယာဉ်ကား ရောင်းဝယ်သူများ အထူးအကျိုးများနိုင်တယ်။ နိုင်ငံခြားကို ထွက်မည့်သူများ အဆင်ပြေ လွယ်ကူစွာထွက်ခွင့်ရမယ်။ ဒီလထဲမှာ အထူးသတိထားရမှာက ကျန်းမာရေးပါဘဲ။ ကိုယ်တိုင် ဆေးရုံ ဆေးခန်း ရောက်ချင်ရောက် ၊ မရောက်ရင် ဆေးရုံများကို လူနာမေးသွားရတတ်ပါတယ်။ ညီအစ်ကို မောင်နှမထဲမှာ မကျန်းမမာဖြစ်မှုမျိုးလည်း ဖြစ်နိုင်ပါတယ်။

နာမည်မှာ ဗုဒ္ဓဟူး စ, ပြီး  အင်္ဂါ ၊ ဗုဒ္ဓဟူး ၊ ကြာသပတေး နဲ့ စနေနံတွေ နဲ့ “ပိတ်” ထားသူများ ကျန်းမာရေး ပြဿနာ သော်၎င်း ၊ လိင်ကိစ္စနဲ့ ပတ်သက်ပြီး နာမည်ပျက်မှုသော်၎င်း ကြုံနိုင်တယ်။ တနင်္ဂနွေ ၊ တနင်္လာ ၊ သောကြာ နံတွေနဲ့ နာမည် ပိတ်ထားသူများ သာ အညံ့နည်းနိုင်တယ်။

ယတြာကတော့ - မွေးနေ့တိုင်းမှာ အိမ်ကဘုရားမှာ သီဟိုစေ့ နဲ့ နာနတ်သီး တလှည့်စီ ဆွမ်းနဲ့အတူ ကပ်လှူပေးပါ။

.

ကြာသပတေး သားသမီးများ

ကြာသပတေးသားသမီးများအတွက် ယခုလဟာ ထူးခြားတဲ့ အပြောင်းအလဲတွေ ဖြစ်နိုင်တယ်။ အိုးအိမ် နေရာ ပြောင်းလဲခြင်း ၊ အလုပ်အကိုင်ပြောင်းလဲခြင်း ၊ ဘ၀အဆင့်အတန်း ပြောင်းလဲခြင်းများကြုံတွေ့နိုင်တယ်။ အထူးသတိပြုရမှာကတော့ ကျန်းမာရေး ဘဲဖြစ်ပါတယ်။ ဒီလမှာ ကြာသပတေးသားသမီးများဟာ မိမိကိုယ်တိုင်သော်၎င်း ၊ မိမိအိမ်ထောင်ဘက်သော်၎င်း ကျန်းမာရေး ညံ့ဖျင်းမှုနဲ့ ကြုံနိုင်တယ်။ ဒီလို ကျန်းမာရေး အညံ့ဟာ နဂိုရောဂါ အခံရှိသူများမှာ ပိုဆိုးလာနိုင်တယ်။ နောက်တစ်ခု ကျန်းမာရေး မဖြစ်ရင် အိမ်ထောင်ရေး ပြဿနာ ကြုံနိုင်တယ်။ နဂိုကတည်းက အိမ်ထောင်ရေး အရှုတ်အထွေးရှိပြီး လျှို့ဝှက်ထားသူများ ယခုလ မှာ မိမိဖုံးကွယ်ထားတဲ့ အိမ်ထောင်ရေး အရှုတ်ထုတ် “ဗူးပေါ်သလို” ပေါ်သွားနိုင်တယ်။ အိမ်ထောင်ရေး ပြဿနာ ကြုံနိုင်တဲ့ လ, ဘဲဖြစ်တယ်။ စီးပွားရေးလုပ်ငန်းရှင်များ စပ်တူလုပ်ငန်းများ လုပ်ထားတာရှိရင် စိတ်ဝမ်းကွဲပြားမှုတွေ ပေါ်နိုင်တယ်။ တစ်ဦး နဲ့ တစ်ဦး မယုံသင်္ကာဖြစ်မှုတွေ ကြုံရနိုင်တယ်။ နိုင်ငံခြား ခရီးသွားဖို့ အစီအစဉ် ရှိသူများအတွက်တော့ အခက်အခဲများကြားကနေ ထွက်ဖြစ်လိမ့်မယ်။ ကြာသပတေး သားသမီးများ ဒီလထဲမှာ ကံနည်းနည်း နိမ့်ဖွယ်ရှိလို့ တစ်ဖက်သားကို ရန်ရှာတဲ့ အပြုအမူများ ၊ မယုံသင်္ကာဖြစ်မှုများကို ချုပ်တီးထားပါ။ ပြဿနာ ကြီးလာတတ်တယ်။ ဒီလအတွက် ကောင်းတာ တစ်ခုက အလုပ်လျှောက်ထား သူများ ၊ အလုပ် အပြောင်းအရွှေ့အတွက် စာတင်ထားသူများတော့ အဆင်ပြေလိမ့်မယ်။ အလုပ်သစ် အကိုင်သစ်များ ရရှိကိန်း ရှိပါတယ်။ ငွေကြေးကံကတော့ သိပ်မကောင်းလှပါ။ အကြောင်း အမျိုးမျိုးကြောင့် ငွေကြပ်ပြီး ကြွေးတင်နေတတ်တယ်။ ငယ်ရွယ်သူများ ပညာရေးကံကတော့ သိပ်မဆိုးလှပါ။

နာမည်မှာ ကြာသာပတေး စ, ပြီး  အင်္ဂါ ၊ ဗုဒ္ဓဟူး ၊ သောကြာ နဲ့ စနေနံတွေ နဲ့ “ပိတ်” ထားသူများ ကျန်းမာရေး အလွန်ညံ့ဖွယ်ရှိပြီး အိမ်ထောင်ရေး ပြဿနာတွေလည်း ကြုံနိုင်တယ်။

ယတြာကတော့ - မွေးနေ့တစ်နေ့မှာ သံဃာတော်တွေကို မုန့်ဖက်ထုပ်များကပ်လှူပေးပြီး ထိုနေ့မှာဘဲ အိမ်ကဘုရားမှာ “လဘ္ဘက်သုပ်” နဲ့ ဆွမ်းကပ်လှူပေးပါ။

.

သောကြာ သားသမီးများ

သောကြာ သားသမီးများအတွက် ယခုလဟာ အငြိမ်မနေရဘဲ လှုပ်ရှားသွားလာရမှု များမယ့် လ, တစ်လ ဖြစ်နိုင်တယ်။ ဒီလို များများ လှုပ်ရှားသွားလာရလေလေ ပိုက်ဆံပိုဝင်လေလေလည်း ဖြစ်တတ်တယ်။ ဒီလဟာ ခရီးသွားလာမှု လုပ်ငန်းများ ၊ အကျိုး ဆောင် ပွဲစားလုပ်ငန်းများ လုပ်ကိုင်သူများအတွက် အထူးကောင်းမယ့် လ, ဖြစ်တယ်။ ဒီလမှာ ငွေများများ ၀င်ကိန်း ရှိသလို များများထွက်ကိန်းလည်း ရှိတတ်တယ်။ ဘာသာရေးနဲ့ ပတ်သက်ပြီး ထူးခြားတဲ့ ကိစ္စများ ၊ အလှူဒါနများ ဆောင်ရွက်ရတတ် တယ်။ ဒီလထဲမှာ များများ လှူပေးနိုင်ရင် ပေးနိုင်သလောက် အကျိုးများမယ့် လ, ဖြစ်တယ်။ ဘဏ်များကနေ ချေးငွေရဖို့ ကြိုးစား နေသူများ ၊ ဒီလထဲမှာ ချေးငွေကို အဆင်ပြေစွာ ရရှိနိုင်တယ်။ အိမ်ထောင်ရှိသူများ အိမ်ထောင်ဘက် ကျန်းမာရေး ခြူချာနေမယ်။ ဒီလထဲမှာ လူမျိုးခြား ၊ ဘာသာခြားများနဲ့ ဆက်ဆံလုပ်ကိုင်ရတဲ့ လုပ်ငန်းများ အဆင်မပြေနိုင်ပါ။ ခိုက်ရန် ဖြစ်ပွားမှုများပင် ဖြစ်နိုင် ပါတယ်။ စီးပွားရေး လုပ်ငန်းရှင်များအတွက် ဒီလထဲမှာ ၀န်ထမ်းများရဲ့ ပြဿနာများကို ရင်ဆိုင်ဖြေရှင်းရဖွယ် ရှိနေပါတယ်။ ယုံကြည်စိတ်ချရတဲ့ လူယုံ တပည့်များ ကိုယ့်ဆီကနေ အလုပ်ထွက်သွားတာမျိုး ကြုံရတတ်တယ်။ ဒီလထဲမှာ “အနက်ရောင်” အ၀တ်အစား အသုံးအဆောင်များ ၀တ်ဆင်သုံးစွဲမှု မပြုတာကောင်းတယ်။ “အနက်ရောင်” ဟာ ဒီလအတွက် ဒုက္ခပေးမယ့် နိမိတ် ကိုဆောင်တဲ့ အရောင်ဖြစ်နေတတ်တယ်။ (ဒီလ တစ်လတည်းပါ)။ မော်တော်ကားတောင်မှ အနက်ရောင် ကားကို မစီးပါနဲ့။ Accident ဖြစ်တတ်ပါတယ်။

နာမည်မှာ သောကြာ စ,ပြီး စနေ ဆုံးသူများ ဒီလအတွက် ကံညံမှုတွေ များနိုင်တယ်။ သောကြာစပြီး တနင်္လာ ၊ အင်္ဂါ ၊ ကြာသပတေး ပိတ်ထားသူများကတော့ ကံကောင်းမှုတွေ များလိမ့်မယ်။ ဗုဒ္ဓဟူး နဲ့ ကြာသပတေး ဆုံးသူများကတော့ အကောင်း/ အဆိုး ရောနှောနေလိမ့်မယ်။

ယတြာကတော့ - မိမိအိမ်က ဘုရားမှာဘဲ သရက်သီးသနပ် နဲ့ ဆွမ်းတော်ကပ်ပြီး စွန့်ပစ်လိုက်ပါ။ မိမိကိုယ် တိုင် မစားရပါ။

.

စနေ သားသမီးများ

စနေ သားသမီးများအတွက် အိုးသစ် အိမ်သစ် အလုပ်သစ် အကိုင်သစ်များ ၀င်ကိန်း ရှိတယ်။ သို့မဟုတ်ရင် အိုးအိမ် ၊ ဆောက်လုပ်ရေး ၊ ရောင်းဝယ်ရေး လုပ်ငန်းများကြောင့် အကျိုးကျေးဇူး ခံစားရဖို့ ရှိပါတယ်။ အလုပ်အကိုင်လုပ်ရာမှာ လူပင်ပန်း စိတ်ပင်ပန်းမှု များမယ်။ တာဝန်ယူရမှု များလိမ့်မယ်။ ဒါပေမယ့် ပင်ပန်းသလောက်လည်း အကျိုးကျေးဇူး ရှိပါလိမ့်မယ်။ ငွေကြေးကံ အထူးကောင်းနိုင်တယ်။ လာဘ်လာဘ ရွှင်လန်း နေလိမ့်မယ်။ ဒီလထဲမှာ ဆေးရုံဆေးခန်းများကို ရောက်ကိန်း ရှိပါတယ်။ ကိုယ်ကိုယ်တိုင် တက်ရတမဟုတ်ဘဲ လူနာမေးသွားဖို့ ရောက်တာဆိုရင်တော့ ကံကောင်းတယ်လို့ ယူဆလိုက်ပါ။ ဒီလထဲမှာ လက်ထဲမှာ ပိုက်ဆံရွှင်နေတော့ အပျော်အပါးများတတ်တယ်။ အသုံးအဖြုန်း များတတ်တယ်။ အပေါင်းအသင်းများနဲ့ ထွက်တာ များလွန်းလို့ အိမ်ထောင်ရှိသူများ အိမ်ထောင်ရေး တကျက်ကျက် ဖြစ်နေတတ်တယ်။ ဒါပေမယ့် အိမ်ထောင်မကျသေးသူ လူပျို လူလွတ်များ ယခုလမှာ ရုတ်တရက် အိမ်ထောင်ကျကိန်း ၊ လက်မှတ်ထိုးရကိန်းများ ရှိပါတယ်။ မိန်းမရှုပ်သူ ယောင်္ကျားပျိုများ မလည်ရှုတ်လုပ်ရာကနေ မယူချင်ဘဲ ယူလိုက်ရတဲ့ ကိစ္စမျိုး ကြုံရဖွယ် ရှိပါတယ်။ နိုင်ငံခြား နှင့် ပတ်သက်သော ကိစ္စများ ကံကောင်း နိုင်တယ်။

နာမည်မှာ စနေ စ, ပြီး တနင်္ဂနွေ ၊ တနင်္လာ ၊ အင်္ဂါ ဆုံးသူများ ဒီလ, မှာ အထူးကောင်းမွန်တဲ့ အခွင့်အရေး နဲ့ ကံကြမ္မာတွေ ရရှိ နိုင်တယ်။ နာမည်မှာ စနေ စ, ပြီး သောကြာ ၊ စနေ ၊ တနင်္ဂနွေ ဆုံးသူများ ဒီလထဲမှာ အိမ်ထောင်ရေးပြဿနာ ၊ မတော်တဆ ထိခိုက်မှု နဲ့ အလုပ်ရာထူး ထိခိုက်မှုများ ဖြစ်နိုင်ချေရှိတယ်။ (မှတ်ချက်။ ။ တနင်္ဂနွေနံနဲ့ နာမည်ဆုံးသူများ အကောင်း/အညံ့ ရောနေပါတယ်)။

ယတြာကတော့ - အုန်းသီး နဲ့ ထန်းလျှက်ကို အတူတွဲပြီး ဘုရားဆွမ်းတော်ကပ်ရာမှာ အချိုပွဲအဖြစ် ရောထည့် ကပ်လှူပေးပါ။

.
မှတ်ချက်။          ။ ယခုလ(သြဂုတ်လ) တွင် ကောင်းကင် အမြင်ဂြိုဟ်များအရ ကန်ရာသီတွင် ရပ်တည်သော စနေဂြိုဟ် နှင့် မေထုန်ရာသီတွင် ရပ်တည်သော အင်္ဂါဂြိုဟ်တို့  တစ်လုံး နှင့် တစ်လုံး အပြန်အလှန် အဆိုးမြင်ဖြင့် မြင်နေကြခြင်းကြောင့် အနိဌာရုံ ကိစ္စများ ဖြစ်ပွားနိုင်ချေ ရှိပါသည်။  သဘာဝဘေးဥပဒ်များ အနက် “မုန်တိုင်း ၊ ငလျှင်”  တစ်ခုခု ကျရောက် ကောင်း ကျရောက်နိုင်ချေရှိသည်။ သို့မဟုတ် “ဗုံးပေါက်ကွဲ” မှုများလည်း ဖြစ်နိုင်ချေရှိသည်။ (ထိုသို့ ဂြိုဟ်အမြင်အယှဉ်ရှိလျှင် ယခင်နှစ်များဆီက ဖြစ်ခဲ့ဘူးသော သာဓကများ ရှိသောကြောင့် သတိပေးခြင်းမျှသာ ဖြစ်ပါသည် ၊ မုချ ဖြစ်မည်ဟုကား မပြောနိုင်ပါ ) ထို့ကြောင့် မိမိ သက္ခတ် အညံ့ထဲသို့ ရောက်နေလျှင် လူစုလူဝေးများရှိရာသို့ သွားလာခြင်းများကို အထူးရှောင်ရှား သင့်ကြောင်း သတိပေးလိုပါသည် ခင်ဗျား။

.

(၇)ရက် သားသမီးအားလုံး ဘေးဥပဒ် အန္တရာယ်များ ကင်ရှင်းပြီး ကျန်းမာချမ်းသာကြပါစေကုန်သော်။

ဒေါက်တာတင်ဗိုလ်ဗိုလ် (ကွန်ပျူ-ဗေဒသုခုမ)